وتباسىلىق دارىگەر: ءماسىموۆ ۇيعىر ەمەس, ونىڭ رۋى نايمان

فوتو: تەنگرينيۋس.كز

قاڭتاردان كەيىن مەملەكەتكە وپاسىزدىق جاسادى دەپ 18 جىلعا سوتتالعان ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆتىڭ ۇلتى  –  قازاق.  بۇل تۋرالى YouTube ارناسىنا بەرگەن سۇحباتىندا ماسىموۆتەر وتباسىنىڭ ەمدەۋشى دارىگەرى اراي تولەمىسوۆا ايتتى, – دەپ حابارلايدى qandastar.kz

«قاجىمقان ءماسىموۆتى (كارىم ءماسىموۆتىڭ اكەسى – رەد.) كوبى ۇيعىر سانايدى, بىراق ولاي ەمەس.مەن ونىڭ كومپيۋتەرىنەن ءبىر قۇجاتتى كوردىم, وندا ونىڭ رۋى نايمان دەپ كورسەتىلگەن. ءوز اۋزىنان دا اقسۋلىق, نايمان رۋىنان ەكەنىن ەستىدىم. اقسۋدا مەشىت سالدىرعان», – دەيدى دارىگەر.

ەستەرىڭىزگە سالا كەتەيىك, 2023 جىلدىڭ ساۋىرىندە سوت ءماسىموۆ پەن ونىڭ ورىنباسارلارىنا قاتىستى ۇكىم شىعارعان بولاتىن. ول مەملەكەتكە وپاسىزدىق جاسادى, بيلىكتى باسىپ الۋعا ۇگىتتەدى جانە بيلىكتى اسىرا پايدالاندى دەپ ايىپتى دەپ تانىلدى.

ماسىموۆكە قاتىستى سوتقا دەيىنگى تەرگەپ-تەكسەرۋ 218-باپتىڭ 3-بولىگىنىڭ 3-تارماعى بويىنشا جالعاسۋدا («قىلمىستىق جولمەن الىنعان اقشانى جانە وزگە دە م ۇلىكتى زاڭداستىرۋ (جىلىستاتۋ)») جانە  قازاقستان رەسپۋبليكاسى قىلمىستىق كودەكسىنىڭ 366-بابىنىڭ 4-بولىگى («اسا ءىرى مولشەردە پارا الۋ»).

جاقىندا ءماسىموۆ توقاەۆتان كەشىرىم سۇراعان ەدى. الايدا, كەشىرىم بەرىلگەن جوق.