Otbasylyq dáriger: Másimov uıǵyr emes, onyń rýy naıman

Foto: Tengrınıýs.kz

Qańtardan keıin memleketke opasyzdyq jasady dep 18 jylǵa sottalǵan Ulttyq qaýipsizdik komıtetiniń burynǵy basshysy Kárim Másimovtiń ulty  –  qazaq.  Bul týraly YouTube arnasyna bergen suhbatynda Másimovter otbasynyń emdeýshi dárigeri Araı Tólemisova aıtty, – dep habarlaıdy qandastar.kz

«Qajymqan Másimovti (Kárim Másimovtiń ákesi – red.) kóbi uıǵyr sanaıdy, biraq olaı emes.Men onyń kompıýterinen bir qujatty kórdim, onda onyń rýy naıman dep kórsetilgen. О́z aýzynan da aqsýlyq, naıman rýynan ekenin estidim. Aqsýda meshit saldyrǵan», – deıdi dáriger.

Esterińizge sala keteıik, 2023 jyldyń sáýirinde sot Másimov pen onyń orynbasarlaryna qatysty úkim shyǵarǵan bolatyn. Ol memleketke opasyzdyq jasady, bılikti basyp alýǵa úgittedi jáne bılikti asyra paıdalandy dep aıypty dep tanyldy.

Másimovke qatysty sotqa deıingi tergep-tekserý 218-baptyń 3-bóliginiń 3-tarmaǵy boıynsha jalǵasýda («Qylmystyq jolmen alynǵan aqshany jáne ózge de múlikti zańdastyrý (jylystatý)») jáne  Qazaqstan Respýblıkasy Qylmystyq kodeksiniń 366-babynyń 4-bóligi («Asa iri mólsherde para alý»).

Jaqynda Másimov Toqaevtan keshirim suraǵan edi. Alaıda, keshirim berilgen joq.