“О́te narazymyn, 50 kún ýaqyt beremin”. Tramp Reseı bıligine ses kórsetip, shuǵyl málimdeme jasady

Donald Tramp Vladımır Pýtınge kóńili tolmaıtynyn aıtty. Bul týraly AQSh prezıdenti BBC arnasynan bergen suhbatynda málimdedi, dep jazady Qandastar.kz.

Tilshiniń “Siz Pýtınmen endi qarym-qatynasty úzdińiz be?” degen suraǵyna:

“Meniń oǵan kóńilim tolmaıdy, biraq onymen qarym-qatynasty úzgen joqpyn. Biraq, ıá, kóńilim tolmaıdy”, — dep jaýap berdi Donald Tramp

Sondaı-aq, AQSh prezıdentine “Reseı basshysyna senesiz be?” degen suraq qoıyldy.

Tramp: “Men eshkimge derlik senbeımin”,- dep jaýap berdi.

AQSh prezıdenti Ýkraınadaǵy jaǵdaı rettelmese, 50 kúnnen keıin Máskeýge qarsy “qatań sharalar” qabyldanatynyn málimdedi.

“Biz Reseıge óte, óte narazymyz. Men narazymyn. Eger 50 kún ishinde kelisimge qol jetkizilmese, biz óte qatań baj salyǵyn engizemiz”, — dedi Tramp Aq úıde NATO-nyń Bas hatshysy Mark Rıýttemen ótken kezdesý barysynda.

Tramptyń aıtýynsha, áńgime shamamen 100 paıyzǵa deıin jetetin qosymsha baj salyǵy týraly bolyp otyr.