جاڭالىقتارقارجى جانە تولەمدەر
«وتىرىك قۇرىلتايشىلار مەن جالعان قولتاڭبا»: سوت پەريزات قايرات قۇرعان قوردى تاراتتى
فوتو: Instagram پەريزات قايرات
استانا سوتى ادىلەت دەپارتامەنتىنىڭ «Biz Birgemiz Qazaqstan 2030» قوعامدىق بىرلەستىگىن تاراتۋ تۋرالى تالاپ ارىزىن قارادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ءىس ماتەريالدارىنا سايكەس, اتالعان زاڭدى تۇلعانى مەملەكەتتىك تىركەۋ 2021 جىلدىڭ 11 قازانىندا جۇرگىزىلگەن.
«بىرلەستىكتىڭ قۇرىلتايشىلارى 10 ادام. ولاردىڭ اتى-ءجونى قۇرىلتاي جينالىستارىنىڭ حاتتاماسىندا كورسەتىلگەن. ونىڭ ىشىندە پەريزات قايرات بار. قىلمىستىق ءىستى تەرگەۋ بارىسىندا قولجازبا ساراپتاماسى جۇرگىزىلدى. وعان سايكەس قۇجاتتارداعى 10 قۇرىلتايشىنىڭ 9-ىنىڭ اتىنان قولتاڭبانى پەريزات قايرات ءوزى قويعان», – دەلىنگەن سوت حابارلاماسىندا.
زاڭدى تۇلعا ازاماتتىق كودەكستىڭ 49-بابىنا (زاڭدى تۇلعانى تاراتۋ نەگiزدەرi) سايكەس, زاڭدى تۇلعا ونى قۇرۋ كەزىندە جىبەرىلگەن, جويىلمايتىن سيپاتتاعى زاڭ بۇزۋشىلىقتارعا بايلانىستى جارامسىز دەپ تانىلعان جاعدايدا, سوت شەشىمى بويىنشا تاراتىلۋى مۇمكىن
“جوعارعى سوتتىڭ (سوتتاردىڭ سالىق زاڭناماسىن قولدانۋدىڭ كەيبىر ماسەلەلەرى تۋرالى) نورماتيۆتىك قاۋلىسىنىڭ 12-تارماعىنا سايكەس, زاڭدى تۇلعانىڭ باسشىسى مەن قۇرىلتايشىسى, ونى قۇرۋعا قاتىسى جوق جەكە تۇلعا كورسەتىلىپ, تىركەۋ زاڭدى تۇلعانى تاراتۋ ءۇشىن نەگىز سانالادى. بىرلەستىك قۇرۋ كەزىندە انىقتالعان بۇزۋشىلىقتاردى ەسكەرە وتىرىپ, سوت «Biz Birgemiz Qazaqstan 2030″ ۇكىمەتتىك ەمەس ۇيىمىن ماجبۇرلەپ تاراتۋ تۋرالى شەشىم قابىلدادى», –دەلىنگەن سوت حابارلاماسىندا.
شەشىم زاڭدى كۇشىنە ەنگەن جوق.
ايتا كەتەيىك, بۇعان دەيىن پەريزات قايراتتىڭ Biz Birgemiz قورى ءماجبۇرلى تۇردە تاراتىلاتىنى تۋرالى حابارلاعان ەدىك.
ەسكە سالايىق, پەريزات قايراتقا مۇگەدەك بالالارعا ارنالعان ورتالىق سالۋعا جينالعان 22 ميلليون تەڭگەنى جىمقىردى دەگەن ايىپ تاعىلعان ەدى.
“Biz Birgemiz” قورىنىڭ باسشىسى پەريزات قايرات سۋ تاسقىنىنان زارداپ شەككەندەرگە جينالعان 1,5 ميلليارد تەڭگەنى جىمقىردى دەگەن كۇدىككە ىلىنگەن ەدى.
قارجى مونيتورينگى اگەنتتىگىنىڭ مالىمەتىنشە, قايىرىمدىلىققا بولىنگەن قارجىنىڭ نەگىزگى بولىگى قىمبات ءسان بۇيىمدارى مەن جىلجىمايتىن م ۇلىكتى ساتىپ الۋ ماقساتىنا پايدالانىلعان. بيىل كوكتەمدە ول ەلورداداعى اۆتوسالوننان 88 ميلليون تەڭگەگە «Mercedes-Benz S450», 80 ميلليون تەڭگەگە «Lexus LX-600» جانە 39 ميلليون تەڭگەگە «Haval» اۆتوكولىكتەرىن ساتىپ العان.
