Jańalyqtar
О́z basym 20 mıllıonǵa tatıtyn jumys atqaramyn – Depýtat Baqytjan Bazarbek
Foto: Baqytjan Bazarbek. Foto: t.me/mazhilis_kz
Májilis depýtaty Baqytjan Bazarbek óziniń atqaryp júrgen jumysyn 20 mıllıon teńgege baǵalady, dep jazdy qandastar.kz
Bul týraly Stan.kz aqparat agenttigi habarlaıdy.
Úkimet úıinde prezıdent Joldaýynan keıin kýlýarda jınalǵan jýrnalıster depýtattardan bir palataly Parlament qurý jaıly pikirlerin bildi. Májilis depýtaty Baqytjan Bazarbek bul reformadan tek artyqshylyq kóretinin jetkizdi.
“Men múlde kemshilik kórip turǵan joqpyn. Munda qarjyny únemdeý, zańdardy az ýaqytta qabyldaý qamtylǵan. Bul – zań shyǵarý proesiniń tıimdiligi, plıýralızm, saıası ómirge, saılaýǵa qatysýǵa múmkindik”, – dedi Baqytjan Bazarbek.
Qazir májiliste – 98, senatta – 50 depýtat bar. Jýrnalıster depýtattan “prezıdent usynǵan bir palataly parlamentte bolashaqta qansha depýtat bolýy múmkin” degen suraq qoıdy. Baqytjan Bazarbek jańa parlamentte 120-130 depýtat bolýy yqtımal degen boljam jasady.
Depýtat artylǵan qarjy esebinen parlament músheleriniń jalaqysyn kóterýge qatysty pikir bildirdi. Alaıda ol bul saýalǵa tek óz basyna qatysty jaýap berdi.
“О́z basym qyzmetimdi atqaryp júrmin jáne jeke ózimniń oıymsha, meniń jalaqym kem degende 20 mıllıon bolýy kerek. О́ıtkeni men 20 mıllıonǵa tatıtyn jumysty atqaryp júrmin”, – dedi senimdi túrde Baqytjan Bazarbek.
