«О́z qateligin ólse túsinbeıtin egoıst»: Lázzat Ahatova Ánarý Qurmanáli týraly bar shyndyqty aıtty

Advokat Lázzat Ahatova qoǵamda rezonans týdyrǵan Ánarý Qurmanáli isine baılanysty málimdeme jasady. Ol áleýmettik jelide jábirlenýshi tarappen aradaǵy jeke hat almasýlardyń skrınderin jarııalaýǵa májbúr bolǵanyn aıtty, dep habarlaıdy qandastar.kz Azattyq Rýhy saıtyna siltep. 

Ahatova óziniń bul iske nege únsiz kelgenin túsindirip, «maıda-shúıdemen eldiń mıyn ashytpas úshin» kópshilikke ashyq málimdeme jasamaǵanyn alǵa tartty. Alaıda sońǵy oqıǵalar men jábirlenýshi taraptyń áreketteri ony shyndyqty aıtýǵa ıtermelegen.

«Eń basty aıtarym – zorlyq oryn aldy. Bul – aqıqat. Al Turarovty qoldaıtyndar túrli organdarda otyrǵandyqtan, qylmystyń ashylýyna tosqaýyl kóp boldy. Olardyń aralasatyn ortasy, tipti otbasylary da onyń esirtkige táýeldi ekenin biledi. Biraq bizde mundaı qylmystar kez kelgen adamǵa qatysty ashyla bermeıdi», – deıdi advokat.

Ahatova iste tek quqyq qorǵaýshy rólinde ǵana emes, ana retinde, psıholog retinde de aralasýǵa májbúr bolǵanyn aıtty. Jábirlenýshiniń minez-qulqy men áreketteri advokatqa moraldyq turǵyda aýyr tıgen.

«Al jábirlenýshige kelsek… Jaqsylyqty baǵalaı almaıtyn, ózine kerek kezde ǵana jaqsy sóılep, óz qateligin ólse túsinbeıtin, tek ózgelerdi kinálaýǵa, kaprızderi oryndalmasa, manıpýlıaııa jasaýǵa beıim egoıst eken, qazirgi jastar.. Sony uqtym», – deıdi ol.

Advokat bul isti qysqartýdan qutqaryp, qaıta tergeý jumystary júrgizilgenin, barlyq talap-tilekterin iske asyrǵanyn atap ótti. Endi bul kúresten keıin ózine eshkimniń ókpe artpaýyn suraıdy. Ahatova bul istiń tek bir adamnyń máselesi emes, júıelik problema ekenin jetkizdi.

«Jemqorlyq pen tamyr-tanystyq jaılaǵan júıede ádildikke jetý óte qıyn. Jalǵyz ózim bárin jeńe almaıtynym anyq», – dedi ol.

Sońynda advokat el ishinde bul oqıǵaǵa qatysty taraptar aıtqan pikirler men emoııalyq reakııalardy eskere otyryp, óz ýájin ashyq jetkizýdi jón kórgenin málimdedi.

«Jeke áńgimelerdi jarııalaıyn degen nıetim joq edi. Erteń saıttar ilip áketse, bizge tileýles el túsinbeı qalmasyn, meniń ýájimdi da nazarǵa alsyn dep, Sizderden eshteńe jasyrmaýdy jón kórdim. Sońǵy kezderi istegi qıyndyqtardan bólek, basqa nárselerden, jábirlenýshiniń áreketterinen de, ákesiniń áreketterinen de moralno sharshadym.. Byltyrǵy tamyzdan beri osy iske qatysty ne ótpedi basymnan?.. Bireýdiń otbasylyq problemalaryna, qarym-qatynastaryndaǵy kúrdeli jaǵdaılar men ókpe-nalalaryna eriksiz kýá bop, aralasýǵa da májbúr bolyppyn. Advokat qana emes, psıholog, nıanıa da bop kettippin. Sonda da mamandyǵyma adal boldym. Qysqarǵan isti janymdy salyp, buzdyrtyp, tergeýge búkil talabymyzdy oryndattyq. Endi eshkimniń ókpesi joq shyǵar, maǵan?», – dep túıindedi Ahatova.