ءوز قۇقىقتارىن بىلسە, كومەك كورسەتەتىن ەدىك: دۇيسەنوۆا ەربايان مۇحتار تۋرالى باياندادى

فوتو: اشىق دەرەككوز

پرەمەر-ءمينيستردىڭ ورىنباسارى تامارا دۇيسەنوۆا ەربايان مۇحتارعا قاتىستى تىڭ اقپاراتپەن ءبولىستى, دەپ حابارلايدى qandastar.kz Stan.kz سايتىنا سىلتەپ. 

ۇكىمەت وتىرىسىندا دۇيسەنوۆا ەربايانعا مەملەكەت كومەك كورسەتەر ەدى دەيدى. ونىڭ سوزىنشە, ساربازدىڭ اتا-اناسى ەشتەڭە سۇرامادى.

«ولار دۇرىس اقپاراتتانباعان. اتا-انا ءوز قۇقىقتارىن, مەملەكەتتىك قولداۋدىڭ قانداي تۇرلەرىن الۋ كەرەگىن بىلمەدى. ەگەر ءوز قۇقىقتارىن بىلسە, بىردەن كومەك كورسەتىلەر ەدى», – دەدى دۇيسەنوۆا.

سونداي-اق دەنساۋلىق ساقتاۋ ءمينيسترى اقمارال ءالنازاروۆا ساربازعا دارىگەرلەردىڭ قانداي كومەك كورسەتكەنىن ايتتى.

«ناۋقاسقا وتا جاسالدى. وتادان كەيىنگى كەزەڭدە 26 كۇن وڭالتۋ شارالارى جاسالدى. ءتيىستى ۇسىنىستارمەن ناۋقاس ۇيىنە شىعارىلدى. قازىر وعان قاجەت مەديتسينالىق كومەك كورسەتىلىپ جاتىر. ناۋقاس وكىلدەرىنە حابارلاستىق, اناسىن وڭالتۋعا جولداما دايىندادى», – دەدى اقمارال ءالنازاروۆا.