ء«وز ءۇيىڭىز سۋعا كەتسە نە ىستەيسىز?». مينيستر جاۋاپ بەردى

ونەركاسىپ جانە قۇرىلىس ءمينيسترى قانات شارلاپاەۆ مەملەكەتتىڭ بەرگەن كەز كەلگەن وتەماقىسىنا ريزا بولاتىنىن ايتتى

باق وكىلى مينيسترگە «سۋ تاسقىنى كەزىندە ءسىزدىڭ ءۇيىڭىز سۋعا كەتتى دەيىك. سىزگە مەملەكەت كومپەنساتسيا بەردى. ءسىز وعان ريزا بولاسىز با?» دەپ سۇراق قويدى.

ەگەر مەنىڭ ءۇيىم جارامسىز بولىپ قالسا, مەن مەملەكەت بەرگەن ۇيگە, ارينە ريزا بولامىن. سەبەبى, ونى مەن قاي جەردەن الامىن? مىسالى, باسقا ەلدەرگە قاراڭىزدار… قازاقستاندا سۋ تاسقىنىنان زارداپ شەككەندەرگە بيزنەس جانە مەملەكەت تاراپىنان ۇلكەن قولداۋ كورسەتىپ جاتىرمىز, — دەپ جاۋاپ بەردى شارلاپاەۆ ۇكىمەتتە وتكەن ءباسپاسوز ءماسليحاتىندا.

بۇعان دەيىن ۇكىمەت باسشىسى ولجاس بەكتەنوۆ وسى اپتانىڭ سوڭىنا دەيىن سۋ تاسقىنىنان زارداپ شەككەندەرگە كەلتىرىلگەن زالالدى باعالاۋ جۇمىستارىن اياقتاۋدى تاپسىردى.

سونداي-اق بەكتەنوۆ ءوندىرىستى جاڭعىرتۋدىڭ ماڭىزى جايلى ايتتى. ۇكىمەت باسشىسى يمپورت ءوسىپ بارا جاتقانىن ايتتى. ۇكىمەت وتىرىسىندا ەنەرگەتيكا ءمينيسترى الماسادام ساتقاليەۆ ەلىمىزدە جىل سوڭىنا دەيىن مۇناي-گاز-حيميا ونىمدەرىن ءوندىرۋدى 75 پايىزعا ۇلعايتۋ كوزدەلىپ وتىرعانىنايتتى.