«О́z jolym bar»: Jazzdauren ózin Shatýnovqa uqsatatyndarǵa jaýap berdi

Qazaqstandyq ánshi Jazzdauren áni TMD elderine tanylǵan soń «ekinshi Shatýnov» degen atqa ıe boldy. Kópshilik Jandáýrendi reseılik ańyz ánshimen salystyryp, onyń izbasary retinde qaraı bastady. Alaıda Jazzdauren ónerde óz joly bar dep esepteıdi,-dep habarlaıdy Qandastar.kz

Jandáýren Abylaevtyń aıtýynsha, ony reseılik ánshige uqsatatyndar kóp.

«Halyqtyń bári Shatýnovqa teńep, «ekinshi Shatýnov» dep jatyr. Shatýnov – ańyz adam, ony bárimiz bilemiz. Men de tyńdaımyn. Biraq meniń jolym bólek. Bul elikteý emes. Uqsatyp jatqany da jaqsy. Negizi meni tyńdaıtyn TMD elderi. Al TMD elderine Shatýnov óte tanymal boldy jáne ol kisiniń ánderi júrekke jetetin. О́zimdi sol kisige uqsatqanyna qýanyshtymyn», – dedi ol óz sózinde.