О́zbekstan Qazaqstanǵa kelýge nıetti óz azamattaryna úndeý jasady

Qazaqstanǵa kelý tártipteriniń ózgerýine baılanysty vedosmstvo ózbekstandyqtardan jeke basyn kýálandyratyn qujattardy únemi ózimen birge alyp júrýin, sondaı-aq arnaıy resmı servıster arqyly ózine qatysty derekterdi tekserýge úndedi.

«О́zbekstan-Qazaqstan nemese Reseı-Qazaqstan shekarasyn kesip ótý kezinde tek Qazaqstanǵa emes, sonymen birge Reseıge de kirýge shekteý joq ekenine aldyn ala kóz jetkizý mańyzdy. «Ákimshilik jáne qylmystyq ister boıynsha sheshimderdi ózara taný jáne oryndaý týraly» Reseı men Qazaqstan arasyndaǵy kelisimge saı, qazaqstandyq quzyretti organdar Reseıdiń kóshi-qon jáne ózge de zańnamasyn buzǵandardy nemese tólenbegen aıyppuldardyń bar-joǵyn teksere alady. Eger joǵaryda atalǵan talaptardyń biri saqtalmaǵan jaǵdaıda Qazaqstan bıligi О́zbekstan azamatynyń elge kirýine nemese odan shyǵýyna jol bermeý sheshimin qabyldaýy múmkin», – delingen О́zbekstannyń Syrtqy ister mınıstrligi taratqan habarlamada.