О́zbekstan prezıdenti Ortalyq Azııa azamattary úshin ortaq ID-kartany usyndy

Foto: ashyq derekkóz

Ortalyq Azııa elderiniń jeke kýálikterin ózara tanýdy usyndy. Bul týraly qandastar.kz Stan.kz aqparat agenttigine silteme jasap habarlaıdy.

Ol Astanada Ortalyq Azııa elderi basshylarynyń Konsýltatıvtik kezdesýinde Ortalyq Azııa elderiniń týrızmin damytý ıdeıasyn usyndy.

«Týrızmdi keńeıtý maqsatynda ulttyq ID-kartalardy ózara taný jáne «Bir týr – búkil óńir» qaǵıdaty boıynsha buqaralyq týrıstik ónimdi damytý máselesin zerdeleýdi usynyp otyrmyz», – dedi Mırzııoev.

Ol týrızm sektory aımaqtyq seriktestiktiń jańa draıverine aınalyp kele jatqanyn atap ótti.

Dál osyndaı júıe Qyrǵyzstan men О́zbekstan arasynda burynnan bar. 2023 jyldyń 1 qyrkúıeginen bastap eki eldiń azamattary eki memlekettiń aýmaǵyna kirý, shyǵý, júrý jáne bolý úshin jeke kýálikterin paıdalana alady.