О́zbekstanǵa barǵan týrısterdiń ózi saqalyn qyryp tastaýǵa májbúr – BAQ

foto: seminar-beauty.ru

Sońǵy kúnderi О́zbekstanda saqalǵa qarsy reıdter taǵy da kúsheıgen. Tashkentte saqal qoıǵany úshin birneshe er adamnyń ákimshilik jaýapkershilikke tartylǵany málim boldy, dep habarlaıdy Halyq Uni Ozodlık radıosyna silteme jasap.

Sońǵy kúnderi О́zbekstannyń ákimshilik sottarynda «qoǵamdyq oryndarda jeke basyn anyqtaýǵa múmkindik bermeıtin dárejede betin búrkeý» degen bap boıynsha istiń qaralýy jıilep ketken. Sonymen qatar, quqyq qorǵaý organdarynyń tikeleı nusqaýy boıynsha birneshe er adamnyń saqalyn kúshtep qyryp tastaǵany da málim. Kóbinese mundaı jaǵdaılar Jızaq, Samarqand, Ándijan jáne Ferǵana oblystarynda kezdesedi.

Saqalyn qyrýǵa nemese qysqartýǵa májbúr bolǵandardyń kópshiligi – resmı dinı dárejesi joq dindarlar, qoǵam belsendileri men óner adamdary. Alaıda bul tizimde sheteldik týrıster men Parıj Olımpıadasynyń chempıondary da bar ekendigi anyqtaldy. О́ziniń aty-jónin jarııalamaýdy ótingen Olımpıada chempıondarynyń biri Parıj Olımpıada oıyndary kezinde saqaly bar ózbek sportshylaryna prezıdentpen beınebaılanys aldynda saqalyn qysqartý tapsyrylǵanyn aıtqan.

Sondaı-aq О́zbekstanǵa barǵan Germanııa azamaty áleýmettik jelide Tashkentte polıııa qyzmetkerleri 3 jyldan beri ósirip kelgen saqalyn qyrýǵa májbúrlegenin jazdy.

Múmkin bul sol kúni barlyq jerde juma namazy oqylǵandyqtan shyǵar? Kóshede polıııa qyzmetkerleri kóp boldy. Olar meni toqtatty. Men ózbek tilin bilmeımin, olarmen shala orys tilinde sóılestim. Meni esh túsindirmesten polıııa bólimshesine alyp ketip, saqalymdy ne ózim qyrýym kerektigin nemese ózderi qyratyndyǵyn aıtty, – dep jazdy sheteldik týrıst.

О́zbekstan Ulttyq teleradıokompanııasy qyzmetkerleriniń biriniń aıtýynsha, óner adamdaryna da efırge saqal qoıyp shyǵýǵa beıresmı túrde tyıym salynǵan. Ol bul tyıymnyń memlekettik emes telearna qyzmetkerlerine de qatysty ekenin aıtty.

Shilde aıynda saqalynyń ósýine baılanysty ánshi Shohjahon Djýraevty Zoʻr telearnasyndaǵy «Artıst» jobasyna qatysýǵa jibermegen. Sodan keıin ol saqalyn tolyǵymen qyryp, shoýdyń qazylar alqasynda otyrýǵa májbúr bolypty.

Búginde О́zbekstannyń quqyq qorǵaý organdarynda «Ákimshilik jaýapkershilik týraly kodekske ózgertýler engizý týraly» zańy boıynsha 789 is sot qaýlylarynyń derekter bazasynda jatyr eken.