«О́zderiń tazalańdar!»: Astanada jastar qurylys kompanııasynyń qoqysyn óz keńsesine aparyp tastady

Astanadaǵy ruqsat etilmegen qoqys alańdaryna qatysty másele qoǵamdyq rezonans týdyrdy, dep jazdy Qandastar.kz.

Belsendiler «Nur Astana Qurylys» kompanııasynyń áreketsizdigine qarsy narazylyq bildirip, qoqysty tikeleı kompanııa keńsesine jetkizdi.

Qalalyq ákimdiktiń resmı málimetinshe, bıyl elorda boıynsha 5 aýdannan 45 myń tonnaǵa jýyq qoqys shyǵarylǵan. Alaıda Uly Dala men Turan dańǵyldarynyń qıylysyndaǵy 8,6 gektarlyq qoqys alańy áli kúnge deıin nazardan tys qalyp otyr. Spýtnıkten de kórinetin bul úıindiler uzaq ýaqyt boıy jınaqtalǵan.

Atalǵan aýmaq úshin jaýapty qurylys mekemesi – «Nur Astana Qurylys» kompanııasy.

Ekologııany qorǵaý men qala turǵyndarynyń jaılylyǵy týraly resmı ýádelerine qaramastan, kompanııa nysandarynyń janynda qoqys úıindileri jıi kezdesedi.

Belsendiler bul áreketsizdikke nazar aýdartý maqsatynda erekshe qadamǵa bardy: olar qoqys qaldyqtaryn kompanııa keńsesine velosıpedpen jetkizdi.

«NAK-tyń qoqysy – NAK keńsesine. О́z qoqys alańdaryńdy ózderiń tazalańdar!» degen uranmen uıymdastyrylǵan bul shara qala ekologııasy úshin jaýapkershilik alýdyń mańyzyn kórsetti.

Qoqys jetkizý kezinde belsendiler men kompanııanyń basqarýshysy Serikjan Muhtarov arasynda dıalog ótti.

Oqıǵa ornyna quqyq qorǵaý organdary kelip, mán-jaıdy anyqtady. Degenmen, «Jańa adamdar» qozǵalysynyń ókilderi kompanııadan naqty jaýap ala aldy – qoqys alańyn joıý 2025 jyldyń qazanyna josparlanyp otyr.

Antitrash bastamasynyń qatysýshylary «Nur Astana Qurylys» kompanııasyn óz ýádelerine saı áreket etip, ekologııaǵa qatysty urandardyń bos sóz emes, naqty ispen dáleldenýin talap etýde.