«О́zenge qosylsa, ekologııalyq apat bolady»: Atyraý halqy munaı qaldyqtary ashyq dalaǵa tógilgenine narazylyq bildirdi

Foto: Vıdeodan skrın

Atyraý oblysy, Maqat aýdanynyń turǵyndary munaı qaldyqtarynyń ashyq jerge tógilip jatqanyna baılanysty alańdaýshylyq bildirýde, dep jazdy qandastar.kz

Olar bul jaǵdaı mal jaıylymyna jáne qorshaǵan ortaǵa úlken zııan keltirip jatqanyn aıtyp dabyl qaqty. Bul týraly Stan.kzaqparat agenttigi Informbıýrobaǵdarlamasyna silteme jasap habarlaıdy.

Turǵyndar qaldyqtar Saǵyz ózenine quıylsa, jaǵdaı múlde ýshyǵatynyn aıtady. Sharýa Qabdol О́tepov munaı qaldyqtary jaıylyp ketken soń malyn jaıylymǵa shyǵarýdan qorqyp otyr.

«Malǵa da, halyqqa da zııan. Bul qaldyqtardy ne kómsin, ne óńdesin, ne múlde alyp ketsin. Sý bar jerde mal túnep qalady, bul qaýipti», – deıdi ol.

Dossor kentiniń turǵyny Tólegen Qońyrbaev bul jer Saǵyz ózenine jaqyn ekenin aıtyp, ýaıymyn jetkizdi.

«Bul jer mal jaıylymy. Saǵyz ózeni de jaqyn. Eger qaldyqtar ózenge qosylsa, ekologııalyq apat bolady», – deıdi ol.

Bul jer telimi ákimdikke tıesili bolǵanymen, 2 gektar aýmaq jekemenshikke jalǵa berilgen. Jerdi jalǵa alǵan kompanııa bastapqyda munaı qaldyqtaryn óńdeıtin qondyrǵy ornatýy tıis bolǵan. Alaıda kompanııa birneshe ret ıesin aýystyryp, talaptar oryndalmaǵan.

Bekádil Jaıkın, Maqat aýdany ákiminiń orynbasary osy jer buryn “Internet Oral” JShS-na berilgenin aıtady.

«Keıin olar 2021 jyly “OKSI generator” JShS-na satqan. Biraq munda áli kúnge deıin eshqandaı qurylys júrgizilmegen», – deıdi ákim orynbasary.

Ekologııa departamentiniń ınspektory Temirlan Bolatuly tekserý kezinde bul aýmaqta 13 myń tonna munaı qaldyǵy zańsyz jınalǵanyn anyqtaǵan.

«Kompanııanyń qaldyqtardy jınaýǵa ruqsaty bolmaǵan. Sondyqtan prokýratýramen birigip tekseris júrgizdik. Sot sheshimimen “OKSI generator” JShS-na 37 mıllıard teńge kóleminde aıyppul salyndy. Biraq bul aımaqtan áli de jumys júrgizilgeni baıqalmaıdy», – dedi Temirlan Bolatuly.

Al aıyppul arqalaǵan kompanııa ókilderi keri baılanysqa shyqpaǵan.

Qazir Maqat aýdanynyń halqy bul másele jaı ǵana aıyppulmen shektelmeı, qatań baqylaýǵa alynyp, sheshimi tabylsa eken deıdi. Olar quzyrly organdar bul isti sońyna deıin jetkizedi dep úmittenedi.

Eske salaıyq, buǵan deıin Kishi Almaty ózeni mańynatemir qaldyqtaryn kómdi degen aıyppen «KazFerroStal» kompanııasyna bastapqyda 11,4 mlrd teńge aıyppul salynǵan. Alaıda sot saraptamasynan keıin aıyppul 878 mln teńgege deıin qysqartyldy. Kompanııa qaldyqtardy ózen jaǵasyn bekitý úshin paıdalanǵanyn málimdedi.