وزەنگە سەكىرگەن: اتا-انالارى جازالاندى

اتىراۋلىق جاسوسپىرىمدەر جاياۋ جۇرگىنشىلەرگە ارنالعان كوپىردەن جايىق وزەنىنە سەكىرگەن,

جاسوسپىرىمدەردىڭ بۇل ارەكەتى الەۋمەتتىك جەلىدە تاراعان. بەينەجازبادا ولار بىرىنەن-كەيىن ءبىرى وزەنگەن سەكىرگەنىن كورۋگە بولادى. اتىراۋ وبلىسىنىڭ توتەنشە جاعدايلار دەپارتامەنتى ۆيدەوعا قاتىسى بار ادامداردى انىقتادى.

تجد مالىمەتى بويىنشا, ۆيدەوعا تۇسىرىلگەن جاسوسپىرىمدەردىڭ جەكە باسى انىقتالعان. ولاردىڭ اتا-انالارى اكىمشىلىك قۇقىق بۇزۋشىلىق تۋرالى كودەكستىڭ 412-بابى («سۋ ايدىندارىنداعى قاۋىپسىزدىك ەرەجەلەرىن بۇزۋ نەمەسە ورىنداماۋ») بويىنشا جاۋاپقا تارتىلدى. وسى باپ بويىنشا ايىپپۇل تۇرىندە جازا قاراستىرىلعان.

«قۇتقارۋشىلار كۇن سايىن پروفيلاكتيكالىق رەيدتەر جۇرگىزىپ جاتىر, قاۋىپتى جەرلەردە شومىلعان 20 ادامعا ايىپپۇل سالىندى. اتىراۋ وبلىسىنىڭ اۋماعىندا شومىلۋ ماۋسىمى رەسمي تۇردە اشىلعان جوق. تجد قازىرگى ۋاقىتتا شومىلۋ قاۋىپتى ەكەنىن ەسكەرتەدى. وبلىس تۇرعىندارى مەن قوناقتارىنا 112 قىزمەتتىڭ حابارلامالارىنا نازار اۋدارىپ, سۋ ايدىندارىنىڭ جانىندا قاۋىپسىزدىك ەرەجەلەرىن قاتاڭ ساقتاۋ ۇسىنىلادى», — دەپ حابارلادى اتىراۋ وبلىسى تجد ءباسپاسوز قىزمەتى.

كەيىنىرەك ۆيدەوداعى جاسوسپىرىمدەر ءوز ارەكەتتەرى ءۇشىن كەشىرىم سۇراپ, بۇل ولاردىڭ ومىرىنە قاۋىپتى ەكەنىنە كەلىسكەن.