О́zenge sekirgen: Ata-analary jazalandy

Atyraýlyq jasóspirimder jaıaý júrginshilerge arnalǵan kópirden Jaıyq ózenine sekirgen,

Jasóspirimderdiń bul áreketi áleýmettik jelide taraǵan. Beınejazbada olar birinen-keıin biri ózengen sekirgenin kórýge bolady. Atyraý oblysynyń Tótenshe jaǵdaılar departamenti vıdeoǵa qatysy bar adamdardy anyqtady.

TJD málimeti boıynsha, vıdeoǵa túsirilgen jasóspirimderdiń jeke basy anyqtalǵan. Olardyń ata-analary Ákimshilik quqyq buzýshylyq týraly kodekstiń 412-baby («Sý aıdyndaryndaǵy qaýipsizdik erejelerin buzý nemese oryndamaý») boıynsha jaýapqa tartyldy. Osy bap boıynsha aıyppul túrinde jaza qarastyrylǵan.

«Qutqarýshylar kún saıyn profılaktıkalyq reıdter júrgizip jatyr, qaýipti jerlerde shomylǵan 20 adamǵa aıyppul salyndy. Atyraý oblysynyń aýmaǵynda shomylý maýsymy resmı túrde ashylǵan joq. TJD qazirgi ýaqytta shomylý qaýipti ekenin eskertedi. Oblys turǵyndary men qonaqtaryna 112 qyzmettiń habarlamalaryna nazar aýdaryp, sý aıdyndarynyń janynda qaýipsizdik erejelerin qatań saqtaý usynylady», — dep habarlady Atyraý oblysy TJD baspasóz qyzmeti.

Keıinirek vıdeodaǵy jasóspirimder óz áreketteri úshin keshirim surap, bul olardyń ómirine qaýipti ekenine kelisken.