О́zennen tros arqyly ótpek bolyp, sýǵa qulaǵan er adamnyń denesi tabyldy

10 mamyr kúni Jetisý oblysy Kerbulaq aýdanynda Kóksý ózeniniń bir jaǵynan ekinshi betine tros arqyly ótpek bolǵan er adam orta jolda aǵysqa qulap, joǵalyp ketken edi. Birneshe kún izdeýden keıin áskerı qyzmetkerdiń denesi tabyldy, dep habarlaıdy Qandastar.kz saıty.

Jetisý oblysynyń Tótenshe jaǵdaılar departamenti azamattyń denesi 15 mamyrda tabylǵanyn málimdedi.

«Jetisý oblysynyń Kerbulaq aýdanynda oqıǵa ornynan 15 shaqyrym tómen jerde TJD Jedel-qutqarý jasaǵynyń qutqarýshylary er adamnyń denesin taýyp, sýdan shyǵaryp aldy. Tabylǵan kezde ol ishinara kıimde bolǵan. Máıit polıııa qyzmetkerlerine berildi. Sot-medıınalyq saraptama taǵaıyndaldy», – dep habarlady Jetisý oblystyq TJD baspasóz qyzmeti.