О́zi oqyǵan páni boıynsha test tapsyra almaǵan pedagog erteń balalardy qalaı oqytady? – depýtat

Májilis depýtaty Nartaı Aralbaıuly Úkimet pen Joǵary aýdıtorııalyq palatanyń 2024 jylǵy respýblıkalyq bıýdjettiń atqarylýy týraly esebin tyńdap, bolashaq pedagogterge qatysty másele kóterdi, dep habarlaıdy qandastar.kz

Nartaı Aralbaıulynyń sózinshe, muǵalim mamandyǵyna túsý úshin shekti ball 75. Keıin oqýdy aıaqtaǵan soń stýdentter jumysqa turý úshin taǵy test tapsyrady.

«2024 jylǵy jaǵdaıdy qarasaq, jastar jappaı basqa mamandyqtarǵa oqýǵa túsip, keıin aýysyp, pedagog mamandyqtary boıynsha aqyly bólimde bilim alyp jatqany anyqtaldy. Iaǵnı bul jalǵan jol áli kúnge deıin jabylmaǵan. Saldarynan elimizde pedagog mamandyqtary boıynsha 81 200 stýdent aqyly bólimde oqyp jatyr. Sonyń ishinde 18 myń stýdenttiń 5300-i UBT-da 75 ball jınamaǵan. Al qalǵan 12 700 stýdent UBT-ǵa múlde qatyspaǵan. Erteń olar oqýdy bitirip, joǵary jalaqy alyp, oqýshylardy daıyndaıdy», – dep depýtat otyrysta.

Skifnews.kzaqparattyq portaly jazǵandaı, «bilimdi baǵalaý» júıesi engizilgen.

2022 jyly jas pedagogterimizdiń 62%-y, 2023 jyly 33%-y, 2024 jyldyń birinshi jartyjyldyǵynda 50,3%-y testten óte almaǵan, shekti upaı jınaı almaǵan. Al osynyń ornyn jabý úshin tıisti mınıstrlik parametrlerdi ózgertip, keleshek pedagogterge qoıylatyn test sanyn 110-nan 50-ge, al ótý balyn 50-den 25-ke deıin tómendetti. Mundaı kózboıaýshylyq kimge kerek? Erteń shekti baldy jınaı almaǵan, 4 jyl boıy pedagog mamandyǵyn oqyp, ózi oqyǵan páni boıynsha test tapsyra almaǵan pedagog erteń balalardy qalaı oqytady? Jastardy qalaı oqytady? – dep surady Nartaı Aralbaıuly.