جاڭالىقتار
ءوزى ولسە دە, 4 ادامنىڭ ءومىرىن ساقتاپ قالدى
شىعىس قازاقستان وبلىستىق اۋرۋحاناسىندا قايتىس بولعان دونوردان ءتورت پاتسيەنتكە اعزالاردى ءساتتى ترانسپلانتاتتاۋ جۇرگىزىلدى, دەپ حابارلايدى qandastar.kz Ulyssport.kz سىلتەمە جاساپ.
ميدىڭ ءولىمى تۋرالى مالىمدەمەدەن كەيىن 39 جاستاعى دونوردىڭ تۋىستارى كەلىسىم بەرىپ, اعزالاردى ءتورت ادامعا سىيعا تارتتى. مارقۇمنان جۇرەك, وكپە جانە ەكى بۇيرەك الىندى.
1977 جىلى تۋعان ەر ادامعا جۇرەك, 1962 جىلى تۋعان ايەلگە وكپە, 2015 جىلى تۋعان بالاعا بۇيرەك, ال 1966 جىلى تۋعان ايەلگە ەكىنشى بۇيرەك ترانسپلانتاتتالدى, وسىلايشا ول ەلدىڭ ءتورت ازاماتىنىڭ ءومىرى ساقتاپ قالدى.
پاتسيەنتتەر دەنساۋلىق ساقتاۋ مينيسترلىگىنىڭ ترانسپلانتاتتاۋدى ۇيلەستىرۋ جونىندەگى رەسپۋبليكالىق ورتالىعىنىڭ رەسپۋبليكالىق, وڭىرلىك جانە ستاتسيونارلىق ترانسپلانتاتتاۋ ۇيلەستىرۋشىلەرىنىڭ جانە «University Medical Center» كق, «ۇلتتىق عىلىمي ونكولوگيا ورتالىعى» جشس ترانسپلانتاتتاۋ ورتالىقتارى ماماندارىنىڭ ۇيلەسىمدى كومانداسىنىڭ ارقاسىندا «ەكىنشى ومىرگە» مۇمكىندىك الدى.
تۇجمقرو دەرەكتەرى بويىنشا 2023 جىلى قازاقستاندا قايتىس بولعان 7 دونور 19 اعزانى ترانسپلانتاتتاۋعا مۇمكىندىك بەردى. 2024 جىلعى 25 قازانداعى اقپارات بويىنشا قايتىس بولعان 6 دونور 23 اعزانى ترانسپلانتاتتاۋعا مۇمكىندىك بەرگەن.
2024 جىلعى قازان ايىنا دەنساۋلىق ساقتاۋ مينيسترلىگىنىڭ ترانسپلانتتاۋدى ۇيلەستىرۋ جانە جوعارى تەحنولوگيالىق مەديتسينالىق قىزمەتتەر جونىندەگى رەسپۋبليكالىق ورتالىعىنىڭ كۇتۋ پاراعىندا بۇيرەك, باۋىر, جۇرەك جانە «جۇرەك-وكپە» كەشەنىنە ترانسپلانتاتتاۋدى قاجەت ەتەتىن 4080 پاتسيەنت بار.
الەمدىك تاجىريبە راستاعانداي, قايتىس بولعاننان كەيىنگى دونورلىق ترانسپلانتولوگيانى دامىتۋدىڭ ەڭ پەرسپەكتيۆالى ءادىسى. وكپەنى نەمەسە جۇرەكتى كۇتەتىن پاتسيەنتتەر ءۇشىن بۇل ءومىرىن ساقتاپ قالۋدىڭ جالعىز مۇمكىندىگى ەكەنىن ايتا كەتكەن ءجون.
