О́zi ólse de, 4 adamnyń ómirin saqtap qaldy

Shyǵys Qazaqstan oblystyq aýrýhanasynda qaıtys bolǵan donordan tórt paıentke aǵzalardy sátti transplantattaý júrgizildi, dep habarlaıdy qandastar.kz Ulyssport.kz silteme jasap.

Mıdyń ólimi týraly málimdemeden keıin 39 jastaǵy donordyń týystary kelisim berip, aǵzalardy tórt adamǵa syıǵa tartty. Marqumnan júrek, ókpe jáne eki búırek alyndy.

1977 jyly týǵan er adamǵa júrek, 1962 jyly týǵan áıelge ókpe, 2015 jyly týǵan balaǵa búırek, al 1966 jyly týǵan áıelge ekinshi búırek transplantattaldy, osylaısha ol eldiń tórt azamatynyń ómiri saqtap qaldy.

Paıentter Densaýlyq saqtaý mınıstrliginiń Transplantattaýdy úılestirý jónindegi respýblıkalyq ortalyǵynyń respýblıkalyq, óńirlik jáne staıonarlyq transplantattaý úılestirýshileriniń jáne «University Medical Center» KQ, «Ulttyq ǵylymı onkologııa ortalyǵy» JShS transplantattaý ortalyqtary mamandarynyń úılesimdi komandasynyń arqasynda «ekinshi ómirge» múmkindik aldy.

TÚJMQRO derekteri boıynsha 2023 jyly Qazaqstanda qaıtys bolǵan 7 donor 19 aǵzany transplantattaýǵa múmkindik berdi. 2024 jylǵy 25 qazandaǵy aqparat boıynsha qaıtys bolǵan 6 donor 23 aǵzany transplantattaýǵa múmkindik bergen.

2024 jylǵy qazan aıyna Densaýlyq saqtaý mınıstrliginiń Transplanttaýdy úılestirý jáne joǵary tehnologııalyq medıınalyq qyzmetter jónindegi respýblıkalyq ortalyǵynyń kútý paraǵynda búırek, baýyr, júrek jáne «júrek-ókpe» keshenine transplantattaýdy qajet etetin 4080 paıent bar.

Álemdik tájirıbe rastaǵandaı, qaıtys bolǵannan keıingi donorlyq transplantologııany damytýdyń eń perspektıvaly ádisi. О́kpeni nemese júrekti kútetin paıentter úshin bul ómirin saqtap qalýdyń jalǵyz múmkindigi ekenin aıta ketken jón.