ء«وزى جانجال شىعارىپ, قارالىم سانىن كوبەيتكىسى كەلدى»: قاراعاندىدا سوققىعا جىعىلعان جەدەل جاردەم جۇرگىزۋشىسى مەن ايىپتالۋشى سوتتا ءسوز سويلەدى

فوتو: ۆيدەودان سكرين

جەدەل جاردەم كولىگىنىڭ جۇرگىزۋشىسىن ۇرىپ-سوققان قاراعاندىلىق ەر ادامعا قاتىستى ءىس قايتا جالعاستى. بۇل تۋرالى Stan.kz اقپارات اگەنتتىگى حابارلايدى.

سوت پروتسەسى ونلاين ءوتتى. داكەباەۆقا قىلمىستىق كودەكستىڭ 107-بابى 2-تارماعى 5-تارماقشاسى, ياعني بۇزاقىلىق نيەتپەن دەنساۋلىققا قاساقانا اۋىرلىعى ورتاشا زيان كەلتiرۋ بويىنشا ايىپ تاعىلدى. سوت وتىرىسىندا جابىرلەنۋشىنىڭ ادۆوكاتى جەدەل جاردەم جۇرگىزۋشىسىنىڭ اۋىر جاراقات العانىن ايتىپ, قوسىمشا سوت-مەديتسينالىق ساراپتاما تاعايىنداۋدى سۇرادى.

ادۆوكات جابىرلەنۋشىگە 30 كۇن ىشىندە كەزەك-كەزەك ەكى وتا جاسالعانىن اتاپ ءوتتى.

“سوتتالۋشى وقيعا ورنىندا فەلدشەردىڭ بولعانىنا قاراماستان, جۇدىرىقپەن بەتىنەن, باسىنان كەزەك-كەزەك ءۇش رەت ۇرعان. كەيىن وڭ قولىن جۇدىرىقتاپ, سول جاق قابىرعاسىنان ۇرعان. وسىلايشا ول زاڭسىز ارەكەتتەرىمەن قوعامداعى ادامدار اراسىنداعى قالىپتاسقان قارىم-قاتىناس جۇيەسىن, نورماتيۆتىك اكتىلەرمەن جانە مورالدىق نورمالارمەن انىقتالعان مىنەز-ق ۇلىق ەرەجەلەرىن بۇزا وتىرىپ, قوعامدىق ءتارتىپتى بۇزدى”, – دەدى مەملەكەتتىك ايىپتاۋشى.

جابىرلەنۋشى اۋرۋحانادا جاتقاندا سوتتالۋشىنىڭ اعاسى جەمىس-جيدەك الىپ كەلىپ, ءىنىسى ءۇشىن كەشىرىم سۇراعانىن ايتتى.

سوت وتىرىسى كەزىندە ايىپتالۋشى بالاعات ءسوز ايتپاعانىن, جابىرلەنۋشىنىڭ ءوزى كەلىپ, داۋ شىعارعانىن ايتتى.

ء“وزىم-ءوزىم ۇستاي الماعانىم ءۇشىن وكىنەمىن. اكە-شەشەم ءۇشىن الاڭدايمىن”, – دەدى نۇربولات داكەباەۆ.

17 ماۋسىمدا وتكەن سوت وتىرىسىندا سوتتالۋشىنىڭ ادۆوكاتى نۇربولات داكەباەۆ جابىرلەنۋشىنىڭ الەۋمەتتىك جەلىدەگى جەكە پاراقشالارىنداعى بەينەجازبالاردى قىلمىستىق ءىس ماتەريالدارىنا قوسىپ, سوتتا قاراۋدى سۇراعان ەدى. قورعاۋشىنىڭ ايتۋىنشا, جەدەل جاردەم كولىگىنىڭ جۇرگىزۋشىسى تورەعالي بەرىكقالي ۇلى وزى جانجال شىعارىپ, قارالىم سانىن كوبەيتۋ ءۇشىن ۆيدەونى وزى الەۋمەتتىك جەلىدە جاريالاعان.

جابىرلەنۋشىنىڭ ايتۋىنشا, ول Instagram جانە TikTok پاراقشاسىن تورت جىل بويى جۇرگىزىپ كەلەدى.

 “مەن بلوگەر ەمەسپىن. تەك كۇندەلىكتى ءومىرىم جايلى ايتىپ وتىرامىن. وقيعادان سوڭ ءبىر اپتادان كەيىن وزىمە كەلە باستادىم. ەكىنشى وپەراتسيا ءبىر ايدان كەيىن, اقپاننىڭ اياعىندا بولدى, بىراق وعان دەيىن مەن ءوزىمدى جاقسى ناشار سەزىندىم. ساۋ ادام وقىرمان جيناۋ ءۇشىن دەنساۋلىعىن قۇرتپايدى. ۆيدەونى كىم سالعانىن بىلمەيمىن. وسى ۋاقىتقا دەيىن وسى تۋرالى ساۋالعا جاۋاپ بەرمەدىم. “بىلمەيمىن” دەپ كەلدىم. بىراق سونى پايدالانىپ وقىرمان جيناپ الۋىما بولار ەدى. كەلەسى كۇنى ۆيدەونىڭ بۇكىل قازاقستانعا تاراعانىن ءبىلدىم. مەنى ۇرىپ جاتقان ۆيدەونى ءوزىم تاراتىپ جىبەرگەنىم ەرسى بولماي ما”, – دەيدى تورەعالي بەرىكقالي ۇلى.

نۇربولات داكەباەۆ سوتتا ءوز كىناسىن مويىندادى, الايدا ازاماتتىق تالاپتىڭ سوماسىمەن كەلىسپەيتىنىن جەتكىزدى.

ەسكە سالساق, قاراعاندىدا ەر ادامنىڭ جەدەل جاردەم جۇرگىزۋشىسىن سوققىعا جىققانى تۋرالى جازعان ەدىك. كەيىننەن كۇدىكتى ۇستالىپ, ەكى ايعا قاماۋعا الىنعان ەدى.

بۇعان دەيىن ىس بويىنشا جاڭا ساراپتاما تاعايىندالاتىنىن, كەيىن كۇدىكتىگە قاتىستى ءىس توقتاتىلعانى تۋرالى جازعان ەدىك.