«О́zi janjal shyǵaryp, qaralym sanyn kóbeıtkisi keldi»: Qaraǵandyda soqqyǵa jyǵylǵan jedel járdem júrgizýshisi men aıyptalýshy sotta sóz sóıledi

Foto: Vıdeodan skrın

Jedel járdem kóliginiń júrgizýshisin uryp-soqqan qaraǵandylyq er adamǵa qatysty is qaıta jalǵasty. Bul týraly Stan.kz aqparat agenttigi habarlaıdy.

Sot proesi onlaın ótti. Dakebaevqa Qylmystyq kodekstiń 107-baby 2-tarmaǵy 5-tarmaqshasy, ıaǵnı buzaqylyq nıetpen densaýlyqqa qasaqana aýyrlyǵy ortasha zııan keltirý boıynsha aıyp taǵyldy. Sot otyrysynda jábirlenýshiniń advokaty jedel járdem júrgizýshisiniń aýyr jaraqat alǵanyn aıtyp, qosymsha sot-medıınalyq saraptama taǵaıyndaýdy surady.

Advokat jábirlenýshige 30 kún ishinde kezek-kezek eki ota jasalǵanyn atap ótti.

“Sottalýshy oqıǵa ornynda feldsherdiń bolǵanyna qaramastan, judyryqpen betinen, basynan kezek-kezek úsh ret urǵan. Keıin oń qolyn judyryqtap, sol jaq qabyrǵasynan urǵan. Osylaısha ol zańsyz áreketterimen qoǵamdaǵy adamdar arasyndaǵy qalyptasqan qarym-qatynas júıesin, normatıvtik aktilermen jáne moraldyq normalarmen anyqtalǵan minez-qulyq erejelerin buza otyryp, qoǵamdyq tártipti buzdy”, – dedi memlekettik aıyptaýshy.

Jábirlenýshi aýrýhanada jatqanda sottalýshynyń aǵasy jemis-jıdek alyp kelip, inisi úshin keshirim suraǵanyn aıtty.

Sot otyrysy kezinde aıyptalýshy balaǵat sóz aıtpaǵanyn, jábirlenýshiniń ózi kelip, daý shyǵarǵanyn aıtty.

“О́zim-ózim ustaı almaǵanym úshin ókinemin. Áke-sheshem úshin alańdaımyn”, – dedi Nurbolat Dákebaev.

17 maýsymda ótken sot otyrysynda sottalýshynyń advokaty Nurbolat Dákebaev jábirlenýshiniń áleýmettik jelidegi jeke paraqshalaryndaǵy beınejazbalardy qylmystyq is materıaldaryna qosyp, sotta qaraýdy suraǵan edi. Qorǵaýshynyń aıtýynsha, jedel járdem kóliginiń júrgizýshisi Tóreǵalı Berikqalıuly ózi janjal shyǵaryp, qaralym sanyn kóbeıtý úshin vıdeony ózi áleýmettik jelide jarııalaǵan.

Jábirlenýshiniń aıtýynsha, ol Instagram jáne TikTok paraqshasyn tórt jyl boıy júrgizip keledi.

 “Men bloger emespin. Tek kúndelikti ómirim jaıly aıtyp otyramyn. Oqıǵadan soń bir aptadan keıin ózime kele bastadym. Ekinshi operaııa bir aıdan keıin, aqpannyń aıaǵynda boldy, biraq oǵan deıin men ózimdi jaqsy nashar sezindim. Saý adam oqyrman jınaý úshin densaýlyǵyn qurtpaıdy. Vıdeony kim salǵanyn bilmeımin. Osy ýaqytqa deıin osy týraly saýalǵa jaýap bermedim. “Bilmeımin” dep keldim. Biraq sony paıdalanyp oqyrman jınap alýyma bolar edi. Kelesi kúni vıdeonyń búkil Qazaqstanǵa taraǵanyn bildim. Meni uryp jatqan vıdeony ózim taratyp jibergenim ersi bolmaı ma”, – deıdi Tóreǵalı Berikqalıuly.

Nurbolat Dákebaev sotta óz kinásin moıyndady, alaıda azamattyq talaptyń somasymen kelispeıtinin jetkizdi.

Eske salsaq, Qaraǵandyda er adamnyń jedel járdem júrgizýshisin soqqyǵa jyqqany týraly jazǵan edik. Keıinnen kúdikti ustalyp, eki aıǵa qamaýǵa alynǵan edi.

Buǵan deıin is boıynsha jańa saraptama taǵaıyndalatynyn, keıin kúdiktige qatysty is toqtatylǵany týraly jazǵan edik.