جاڭالىقتار
ء«وزىن كىم سانايدى, جامان مىنەزىن كورسەتتى»: جانكۇيەرلەر يۋليا پۋتينتسەۆانىڭ “US Open 2024” ويىنى كەزىندە جاساعان ارەكەتىن سىنعا الدى
فوتو: اشىق دەرەككوز
قازاقستاندىق تەننيسشى يۋليا پۋتينتسەۆا “US Open 2024” كەزىندە جاساعان قۇرمەتسىزدىك ارەكەتىنە جۇرت نارازىلىق تانىتۋدا. سپورتشى ويىن كەزىندە وزىنە دوپ بەرگەن بول-گەرلدى ەلەمەگەن. بۇل تۋرالى Stan.kz اقپارات اگەنتتىگى حابارلايدى.
باق پەن الەۋمەتتىك جەلىلەردە قازاقستاندىق تەننيسشىنىڭ مىنەز-قۇلقى قىزۋ تالقىلانۋدا.
«ونىڭ ەموتسياسى باقىلاۋدان شىعىپ كەتكەنى انىق. ويتكەنى جاي عانا ءوز جۇمىسىن ورىنداۋعا تىرىسىپ, دوپ بەرگەن جاس قىزدى ەلەمەدى. ءجاسوسپىرىم 16 جاستان اسپاعان دا», – دەپ جازادى Marca پورتالى.
جۋرناليست پيرس مورگان:»يۋليا پۋتينتسەۆانىڭ جيىركەنىشتى تاكاپپارلىعى. دوپ لاقتىرعان قىز 3-ءشى دوپتى ونىڭ بەتىنە لاقتىرۋى كەرەك ەدى», – دەدى.
«پۋتينتسەۆا ءوزىن كىم سانايدى? دوپ بەرگەن قىزعا جامان مىنەزىن كورسەتتى», – دەدى بەينەگە US Open چەمپيونى جانە گەرمانيادان كەلگەن ساراپشى بوريس بەككەر.
«بول-گەرلدىڭ قولىن تومەن تۇسىرمەۋى مەن ءوز پوزيتسياسىن ۇستاۋى قۇرمەتكە يە. ەموتسيا كەز-كەلگەن ويىنشىدا بولۋى مۇمكىن. بىراق بول بۇل ءۇشىن ەشقاشان زارداپ شەكپەۋى كەرەك. ويتكەنى بۇرىنعى ويىنشىلاردىڭ كوپشىلىگى ءوز ۋاقىتىندا بول بولعان. مەنىڭ ويىمشا, بۇل تىكەلەي «قىزىل كارتا» بەرۋگە لايىق ارەكەت”, – دەپ ازىلدەدى امەريكاندىق ساراپشى برەد گيلبەرت.
يتاليالىق جاسمين پاولينيگە قارسى ماتچ كەزىندە بولعان وقيعادان كەيىن قازاقستاندىق تەننيسشى ءوزىنىڭ بۇل ارەكەتى ءۇشىن كەشىرىم سۇرادى.
«بول-گەرلدەن ءوزىمدى قالاي ۇستاعانىم ءۇشىن كەشىرىم سۇراعىم كەلەدى. شىنىمدى ايتسام, ماسەلە وندا ەمەس. مەندە برەيك-پوينت بولعان ويىندا جەڭىسكە جەتپەگەنىم ءۇشىن وزىمە قاتتى اشۋلاندىم. سودان كەيىن قاتتى كۇيزەلىپ, نە بولىپ جاتقانىن جانە ماعان دوپتى كىم بەرىپ جاتقانىن دا ەسكەرمەدىم», – دەدى پۋتينتسەۆا.
