جاڭالىقتار
«پاكەتكە باسىن سالىپ العان»: الماتىدا ەر ادام باستىعىن بالعامەن ۇرىپ ولتىرگەن
فوتو: اشىق دەرەككوز
جەتىسۋ وبلىسىندا 55 جاستاعى ەر ادام باستىعىن بالعامەن ۇرىپ ءولتىرىپ, دەنەسىن بولشەكتەپ تاستاعان.
پاترۋلدىك پوليتسيا قىزمەتكەرلەرى اقپان ايىندا قاراتال اۋدانى باستوبە اۋىلىندا پاكەتكە ادام باسىن سالىپ العان موپەد جۇرگىزۋشىسىن ۇستادى. ول 55 جاستاعى الماتى تۇرعىنى بولىپ شىقتى. ەر ادام جۇمىس بەرۋشىسىن ولتىرگەنىن مويىنداعان..
ولار ىشىمدىك ءىشىپ, جيىندا وتىرعان. سول كەزدە ەر ادام باستىعىن بالعامەن ۇرىپ ءولتىرىپ, ءمايىتتى اسحانا پىشاعىمەن بولشەكتەپ, زيراتقا اپارعىسى كەلگەن. ونىڭ جالعا العان ءۇيىن ءتىنتۋ كەزىندە مارقۇمنىڭ بىرنەشە سومكەگە سالىنعان دەنەسىنىڭ بولىكتەرى تابىلدى. مارقۇم 50 جاستا بولعان.
«پوليتسەيلەر قىستا موپەدپەن پاكەت ارقالاپ جۇرگەن ەر ادامعا كۇدىكپەن قاراپ, ونى تىنتىگەن. سونىڭ ارقاسىندا قىلمىسكەردى ۇستادى. قىلمىستىق كودەكستىڭ 99-بابى «ادام ءولتىرۋ» بويىنشا قىلمىستىق ءىس قوزعالدى», – دەپ حابارلادى جەتىسۋ وبلىستىق پوليتسيا دەپارتامەنتىنىڭ ءباسپاسوز قىزمەتى.
قىلمىستىق ىستەر جونىندەگى مامانداندىرىلعان اۋدانارالىق سوتىنىڭ شەشىمىمەن ايىپتالۋشى 11 جىلعا باس بوستاندىعىنان ايىرىلدى. سوتتىڭ ۇكىمى زاڭدى كۇشىنە ەندى.
