«Pákistandaǵy 300 qazaqty qutqarý kerek». Depýtat úndeý jasady

Foto: ashyq derekkóz

Májilis depýtaty Erlan Saırov Pákistandaǵy qazaqtardyń taǵdyryna alańdaýly ekenin aıtyp, olarǵa shuǵyl kómek kórsetýge shaqyrdy, dep habarlaıdy qandastar.kz

«Pákistannyń Karachı qalasynan Hamıt «Jorabaı degen qazaq baýyrymyz habarlasty. Onyń aıtýynsha, osydan 2 jyl buryn 40 januıa, 300 qazaq Aýǵanstannan Pákistanǵa bosyp barǵan. Olarǵa Qazaqstannyń Pákistandaǵy elshisi kelip, jaǵdaıdy kórip, kómektesýge ýáde bergen. 30 tamyz kúni Pákistan osy 300 qazaqty qaıtadan Aýǵanstanǵa deportaııalaıtyndaryn málimdegen»,—dedi depýtat.

«Adyrna» tilshisi jazǵandaı,   Saırov birden Syrtqy ister mınıstrligine habarlasqanyn málimdedi.

«Vedomstvo bul jaǵdaı týraly biletinin, alaıda kómektese almaıtyndaryn málimdedi. Aıtýlarynsha, azamattardyń qolynda «ulty qazaq» degen anyqtama joq. Bul máseleni sheshý úshin qaıtadan Aýǵanstanǵa baryp, qajet anyqtamany alý kerek eken. Ol elge barsa, jaǵdaılary óte qıyn bolady. Sondyqtan men Úkimet basshysy Oljas Bektenovke, Syrtqy ister mınıstri Murat Nurtileýge úndeý jarııalaımyn. Qan sý emes. Biz ıisi qazaqty qutqarýymyz kerek. Qurmetti azamattar, 300 qazaqty kóshirýge jaǵdaı jasaıyq. Eger múmkindigimiz bolmasa, BUU Bosqyndar isteri jónindegi Joǵarǵy komıssary basqarmasynyna ótinish jasaý kerek. Olar 300 qazaqty bosqyn retinde moıyndaýlary kerek. Sol kezde atalǵan azamattardyń qaýipsizdigi sheshiledi. Qurmetti qaýym, qoldaýlaryńyzdy suraımyn!»—dep tolyqtyrdy ol.