“Palestınany moıyndaımyz!” — Makron eshkim kútpegen málimdeme jasady

Franııa Prezıdenti Emmanýel Makron eliniń Palestınany egemen ári táýelsiz memleket retinde moıyndaıtynyn jarııalady. Bul qadam Franııanyń Taıaý Shyǵystaǵy beıbitshilik pen turaqtylyqty qoldaýǵa degen umtylysyn bildiredi, dep habarlaıdy Qandastar.kz

Makronnyń aıtýynsha, Parıj bul sheshimdi beıbitshilikti qoldaıtyn halyqaralyq qaýymdastyqpen birlese otyryp qabyldaǵan. Prezıdent óz sózinde Franııanyń Palestına halqyna degen tarıhı jaýapkershiligin de atap ótti.

Ol bul sheshim jaıly resmı málimdemeni BUU Bas Assambleıasynyń minberinen jarııalaýǵa ýáde etti.

2025 jyldyń naýryz aıyndaǵy málimetke sáıkes, BUU-ǵa múshe 193 memlekettiń 147-si Palestınany táýelsiz memleket retinde moıyndaǵan. Bul — álem elderiniń basym kópshiligi Palestına halqynyń egemendikke degen quqyǵyn qoldaıtynyn bildiredi.

Makronnyń málimdemesi Izraıl-Palestına janjalyn sheshýdegi jańa kezeńniń bastamasy bolýy múmkin. Sarapshylar Franııanyń bul áreketin Eýropadaǵy basqa elderge de úlgi bolady dep sanaıdy.