پارا العان كوللەدج ديرەكتورى 2 ملن تەڭگە ايىپپۇل تولەيدى

فوتو: اشىق دەرەككوز

سوت ۇكىمى زاڭدى كۇشىنە ەندى, دەپ جازدى qandastar.kz

تارازدا كوللەدج ديرەكتورى مەن وعان پارا بەرگەن وقىتۋشىنىڭ ءىسى بويىنشا سوت ۇكىمى شىقتى, دەپ حابارلادى جامبىل وبلىستىق سوتىنىڭ ءباسپاسوز قىزمەتى.2024 جىلدىڭ قىركۇيەگىندە كوللەدج ديرەكتورى ا. ءوزىنىڭ قاراماعىنداعى وقىتۋشى ش.-دان بالاسىن گرانتقا ورنالاستىرۋ ءۇشىن 80 مىڭ تەڭگە پارا العان.

«سول كۇنى انتيكور قىزمەتكەرلەرى ديرەكتوردىڭ كابينەتىندە ءتىنتۋ جۇمىستارىن جۇرگىزىپ, ونىڭ سومكەسىنەن پارا رەتىندە الىنعان اقشانى تاپتى», – دەلىنگەن حابارلامادا.

سوت بارىسىندا ەكى تاراپ تا ءوز كىناسىن مويىندادى. كوللەدج ديرەكتورى پارا العانى ءۇشىن 25 ەسە كولەمدە – 2 ميلليون تەڭگە ايىپپۇل تولەسە, وقىتۋشى پارا بەرگەنى ءۇشىن 15 ەسە كولەمدە – 1,2 ميلليون تەڭگە ايىپپۇل تولەۋگە مىندەتتەلدى. سونىمەن قاتار ەكەۋىنە دە مەملەكەتتىك قىزمەتتە لاۋازىمدى قىزمەتتەردى اتقارۋعا ءومىر بويىنا تىيىم سالىندى.

سوت ۇكىمى زاڭدى كۇشىنە ەندى.