Para alǵan kolledj dırektory 2 mln teńge aıyppul tóleıdi

Foto: ashyq derekkóz

Sot úkimi zańdy kúshine endi, dep jazdy qandastar.kz

Tarazda kolledj dırektory men oǵan para bergen oqytýshynyń isi boıynsha sot úkimi shyqty, dep habarlady Jambyl oblystyq sotynyń baspasóz qyzmeti.2024 jyldyń qyrkúıeginde kolledj dırektory A. óziniń qaramaǵyndaǵy oqytýshy Sh.-dan balasyn grantqa ornalastyrý úshin 80 myń teńge para alǵan.

«Sol kúni Antıkor qyzmetkerleri dırektordyń kabınetinde tintý jumystaryn júrgizip, onyń sómkesinen para retinde alynǵan aqshany tapty», – delingen habarlamada.

Sot barysynda eki tarap ta óz kinásin moıyndady. Kolledj dırektory para alǵany úshin 25 ese kólemde – 2 mıllıon teńge aıyppul tólese, oqytýshy para bergeni úshin 15 ese kólemde – 1,2 mıllıon teńge aıyppul tóleýge mindetteldi. Sonymen qatar ekeýine de memlekettik qyzmette laýazymdy qyzmetterdi atqarýǵa ómir boıyna tyıym salyndy.

Sot úkimi zańdy kúshine endi.