پارا العان پوليتسەي 6 ملن ايىپپۇل ارقالادى

فوتو: اشىق دەرەككوز

اتىراۋدا پوليتسيا قىزمەتكەرى قىلمىستىق ءىسىن توقتاتۋ ءۇشىن كۇدىكتىنىڭ اعاسىنان پارا العان. سوت ۇكىمىمەن پوليتسەيگە 6 ملن تەڭگە ايىپپۇل سالىندى, دەپ جازدى qandastar.kz

اتىراۋ قالاسىنداعى №2 سوتتا قىزمەت بابىن پايدالانىپ, الاياقتىق جاساعانى ءۇشىن ايىپتالعان پوليتسيا قىزمەتكەرىنە قاتىستى قىلمىستىق ءىس قارالدى. پوليتسەيگە قر قىلمىستىق كودەكسىنىڭ 190-بابىنىڭ 3-بولىگىنىڭ 2-تارماعىمەن ايىپ تاعىلعان.

– اتىراۋ قالالىق پوليتسيا ءبولىمىنىڭ قىزمەتەرى باسقا لاۋازىمدى تۇلعانىڭ وندىرىسىندەگى قىلمىستىق ءىستى توقتاتۋ ءۇشىن كۇدىكتىنىڭ اعاسىنان 300 مىڭ تەڭگە العان. ايىپتالۋشىنىڭ كىناسى اڭگىمەلەسۋ جازبالارىمەن, جابىرلەنۋشى جانە كۋالاردىڭ جاۋاپتارىمەن, جاسىرىن تەرگەۋ ارەكەتتەرىنىڭ ناتيجەلەرىمەن, سوت-فونوگرافيالىق, پسيحولوگيالىق-فيلولوگيالىق ساراپتامالاردىڭ قورىتىندىلارىمەن دالەلدەندى, — دەپ حابارلادى سوتتىڭ ءباسپاسوز قىزمەتى.

پروكۋرور سوتتالۋشىعا مەملەكەتتىك قىزمەتتە, مەملەكەتتىك ۇيىمداردا جانە كۆازيمەملەكەتتىك سەكتوردا لاۋازىمداردى اتقارۋ قۇقىعىنان ءومىر بويىنا, 6 جىل مەرزىمگە باس بوستاندىعىنان ايىرۋ جازاسىن تاعايىنداۋدى, پوليتسيا لەيتەنانتى شەنىنەن ايىرۋدى سۇرادى. الايدا سوتتالۋشى مەن ونىڭ ادۆوكاتتارى ايىپپەن كەلىسپەي, اقتاۋدى سۇرادى.

سوتتالۋشىنىڭ كامەلەتكە تولماعان بالالارىنىڭ بارى جازا مەن جاۋاپكەرشىلىكتى جەڭىلدەتەتىن ءمان-جاي رەتىندە, ال قابىلداعان انتىن بۇزۋى اۋىرلاتاتىن ءمان-جاي رەتىندە تانىلدى.

– سوتتالۋشىعا مەملەكەتتىك قىزمەتتە, مەملەكەتتىك ۇيىمداردا جانە كۆازيمەملەكەتتىك سەكتوردا لاۋازىمداردى اتقارۋ قۇقىعىنان ءومىر بويىنا ايىرۋ, جىمقىرىلعان م ۇلىكتىڭ 20 ەسەلەنگەن مولشەرىندە – 6 ملن تەڭگە ايىپپۇل سالۋ جازاسى تاعايىندالدى. ول پوليتسيا لەيتەنانتى شەنىنەن ايىرىلدى. جابىرلەنۋشىنىڭ جىمقىرىلعان م ۇلىكتىڭ قۇنىن ءوندىرۋ تۋرالى ازاماتتىق تالابى تولىعىمەن قاناعاتتاندىرىلدى, — دەپ ءمالىم ەتتى سوتتان.