پاراقورلاردىڭ ءتىزىمى ەندى اشىق جاريالانباق

پارلامەنتتە سىبايلاس جەمقورلىققا قارسى ءىس-قيمىل ماسەلەلەرى بويىنشا زاڭعا ەنگىزىلەتىن وزگەرىستەر مەن تولىقتىرۋلار تالقىلانىپ جاتىر, دەپ حابارلايدى qandastar.kz

«سىبايلاس جەمقورلاردىڭ جاريا ءتىزىلىمىن ەنگىزۋ. بۇل – پروفيلاكتيكالىق قۇرال. ونىڭ باستى ماقساتى – قوعامدىق ءمىن تاعۋمەن, قوعامدا سىبايلاس جەمقورلىققا توزبەۋشىلىكتى قالىپتاستىرۋ. تىزىلىمدە اۋىر نەمەسە اسا اۋىر سىبايلاس جەمقورلىق قىلمىستار جاساعانى ءۇشىن سوتتالعاندار تۋرالى مالىمەتتەر قامتىلاتىن بولادى. سوتتىڭ زاڭدى كۇشىنە ەنگەن ايىپتاۋ ۇكىمى تىزىلىمگە ەنگىزۋگە نەگىز بولماق. تىزىلىمىنەن اقتاۋ ۇكىمىنىڭ زاڭدى كۇشىنە ەنۋى جانە سوتتىلىقتىڭ وتەلۋى نەگىزىندە شىعارۋ مۇمكىن بولادى. ءتىزىلىم اگەنتتىكتىڭ سايتىندا ورنالاستىرىلاتىن بولادى. ءتىزىلىمدى جۇرگىزۋدى اگەنتتىككە بەكىتۋ كوزدەلىپ وتىر», – دەدى سىبايلاس جەمقورلىققا قارسى ءىس-قيمىلى اگەنتتىگى توراعاسىنىڭ ءبىرىنشى ورىنباسارى ۇلان سارقۇلوۆ.

بۇل زاڭ قابىلدانعان جاعدايدا ءتىزىلىمدى قالىپتاستىرۋ جانە جۇرگىزۋ ءتارتىبى بەكىتىلەتىن بولادى. تىزىمدە جەمقورلاردىڭ اتى-ءجونى, سىبايلاس جەمقورلىق قىلمىس جاسالعان ۋاقىتتاعى جۇمىس ورنى مەن لاۋازىمى, جەمقورلىق قىلمىس قۇرامى, ايىپتاۋ ۇكىمىنىڭ دەرەكتەمەلەرى جانە تاعايىندالعان جازا ءتۇرى كورسەتىلۋى مۇمكىن.