پارامەن ۇستالدى: اتىراۋ وبلىسىندا ۋاقىتشا يزولياتور باستىعى ايىپپۇلمەن قۇتىلدى

فوتو: اشىق دەرەككوز

اتىراۋدا №75 مەكەمە ۋاقىتشا يزولياتورى باستىعىنىڭ مىندەتىن اتقارۋشىسىنا ۇكىم شىقتى, دەپ حابارلايدى Qandastar.kz. ءىس ماتەريالدارىنا سايكەس, پودپولكوۆنيككە پارا الدى دەگەن ايىپ تاعىلعان.

ول ءۇشىن تۇرمە باستىعى پارا بەرۋشىنىڭ اعاسىن شارۋاشىلىعىنداعى جۇمىستاردى ورىنداۋ ءۇشىن سوتتالعان ساناتىنا اۋىستىرۋعا, سونداي-اق ونى تەرگەۋ يزولياتورىندا قالدىرۋعا ۋادە بەرگەن.

ءىس جەدەلدەتىلگەن تارتىپپەن قارالدى. ويتكەنى سوتتالۋشى ءوز كىناسىن تولىق مويىنداعان. جينالعان دالەلدەرگە قارسىلىق تانىتپاعان.

سوت وتىرىسىندا پروكۋرور سوتتالۋشىعا 3 جىل 6 اي باس بوستاندىعىنان ايىرۋدى, سونداي-اق مەملەكەتتىك ورگانداردا لاۋازىمدارعا ورنالاسۋعا ءومىر بويى تىيىم سالۋدى جانە «ادىلەت پودپولكوۆنيگى» ارنايى اتاعىنان ايىرۋدى تالاپ ەتكەن. ءوز كەزەگىندە ايىپتالۋشى ءوز كىناسىن مويىنداپ, جازانى جەڭىلدەتۋدى سۇرادى.

سوت سوتتالۋشىنىڭ جاس بالالارى بارىن, شىن جۇرەكتەن وكىنەتىنىن ەسكەرگەن. جازانى اۋىرلاتار ءمان-جايدى تاپپاعان. ونى كىنالى دەپ تاۋىپ, 30 ميلليون تەڭگە ايىپپۇل سالدى, بۇل پارانىڭ 30 ەسەلەنگەن سوماسىن قۇرايدى. سونىمەن قاتار, ونى مەملەكەتتىك ورگانداردا قىزمەت ەتۋ قۇقىعىنان, «ادىلەت پودپولكوۆنيگى» اتاعىنان ايىرعان. ۇكىم ءالى زاڭدى كۇشىنە ەنگەن جوق.

ايتا كەتەيىك, اتىراۋ وبلىسىندا تيزو باستىعىنىڭ پارا الدى دەپ كۇدىككە ىلىنگەن تۋرالى 2 قىركۇيەكتە بەلگىلى بولعان.