Paramen ustaldy: Atyraý oblysynda ýaqytsha ızolıator bastyǵy aıyppulmen qutyldy

Foto: ashyq derekkóz

Atyraýda №75 mekeme ýaqytsha ızolıatory bastyǵynyń mindetin atqarýshysyna úkim shyqty, dep habarlaıdy Qandastar.kz. Is materıaldaryna sáıkes, podpolkovnıkke para aldy degen aıyp taǵylǵan.

Ol úshin túrme bastyǵy para berýshiniń aǵasyn sharýashylyǵyndaǵy jumystardy oryndaý úshin sottalǵan sanatyna aýystyrýǵa, sondaı-aq ony tergeý ızolıatorynda qaldyrýǵa ýáde bergen.

Is jedeldetilgen tártippen qaraldy. О́ıtkeni sottalýshy óz kinásin tolyq moıyndaǵan. Jınalǵan dálelderge qarsylyq tanytpaǵan.

Sot otyrysynda prokýror sottalýshyǵa 3 jyl 6 aı bas bostandyǵynan aıyrýdy, sondaı-aq memlekettik organdarda laýazymdarǵa ornalasýǵa ómir boıy tyıym salýdy jáne «ádilet podpolkovnıgi» arnaıy ataǵynan aıyrýdy talap etken. О́z kezeginde aıyptalýshy óz kinásin moıyndap, jazany jeńildetýdi surady.

Sot sottalýshynyń jas balalary baryn, shyn júrekten ókinetinin eskergen. Jazany aýyrlatar mán-jaıdy tappaǵan. Ony kináli dep taýyp, 30 mıllıon teńge aıyppul saldy, bul paranyń 30 eselengen somasyn quraıdy. Sonymen qatar, ony memlekettik organdarda qyzmet etý quqyǵynan, «ádilet podpolkovnıgi» ataǵynan aıyrǵan. Úkim áli zańdy kúshine engen joq.

Aıta keteıik, Atyraý oblysynda TIZO bastyǵynyń para aldy dep kúdikke ilingen týraly 2 qyrkúıekte belgili bolǵan.