الەم جاڭالىقتارى
پاريج-2024: 22 جاستاعى سپورتشى قىز جىگىتىمەن قىدىرعانى ءۇشىن وليمپيادادان قۋىلدى
سۋدا جۇزۋدەن برازيليا ۇلتتىق قۇراماسىنىڭ مۇشەسى انا كارولينا ۆيەيرا جارىستان شەتتەتىلىپ, وليمپيادادان قۋىلدى, – دەپ جازادى turkystan.kz
ول وليمپيادادا ءوزى سەكىلدى برازيليا نامىسىن قورعايتىن جىگىتى گابريەل سانتوسپەن بىرگە باپكەرلەردەن سۇرانباي, وليمپيادا قالاشىعىنان قاشىپ شىعىپ, تۇنگى ءپاريجدى ارالاپ, جەلىگە سۋرەت جۇكتەگەن.
22 جاستاعى سپورتشى ەرتەسى قۇرمامامەن بىرگە 4ح100 مەترگە ەركىن ستيلدە ءجۇزۋ سايىسىنىڭ ىرىكتەۋ كەزەڭىنە قاتىسقان. ناتيجەسىندە كوماندا 12-ورىنعا تابان تىرەگەن.
باستاپقىدا قۇراما باسشىلارى سپورتشى قىزعا تەك ەسكەرتۋ بەرگەن. ويتكەنى ول 4×100 مەترگە جۇزۋدەن ارالاس ەستافەتاعا قاتىسۋعا ءتيىس-ءتىن. الايدا سپورتشى ەسكەرتۋدى قابىلداماي, قارسىلىق كورسەتكەن. اقىرىندا كوماندا باپكەرلەرى سپورتشى مەن جىگىتىن جارىستان شەتتەتىپ, برازيلياعا قايتارۋ تۋرالى شەشىم شىعارعان.
