پاريج وليمپياداسىنا قاتىسقان سەمسەرلەسۋشى جىگىتتى سوققىعا جىعىپ كەتتى

پاريجدە وتكەن وليمپيادا ويىندارىنا سەمسەرلەسۋدەن قاتىسقان قازاقستان قۇراماسىنىڭ مۇشەسى ەرلىك سەرتايدى سوققىعا جىعىپ كەتتى. بۇل تۋرالى سپورتشىنىڭ ءوزى Instagram-داعى پاراقشاسىندا وقىرماندارىنا ايتىپ بەردى, دەپ حابارلايدى qandastar.kz

ەرلىك سەرتاي باسىنان وتكەن جاعدايدى وقىرمان قاۋىمعا بايىنداپ, كوپشىلىكتىڭ پىكىرىن بىلمەك بولدى.

Massaget.kz پورتالىنىڭ جازۋىنشا, ول ۇيىنە قايتىپ بارا جاتقان كەزدە توسىن جايتقا تاپ بولعان. ەكى ورتادا قىز بەن جىگىتتىڭ قاتتى جانجالداسىپ جاتقانىن ەستىگەن. كەيىن جىگىتتىڭ قىزدى شاشىنان سۇيرەپ بارا جاتقانىن كورىپ, قىزعا اراشا تۇسپەك بولعان.

«وتكەندە دوستارىمنىڭ ۇيىنەن شىقتىم. ءوز ۇيىمە قايتىپ بارا جاتقانمىن.  جىگىت پەن قىزدىڭ ۇرىسىپ جاتقانىن كوردىم. ءيا, ءسوز تالاستىرىپ جاتىر ەكەن. كىم ۇرىسپايدى? ءوز جولىممەن جۇرە بەردىم, ءبىر كەزدە ايعايدى ەستىدىم. بۇرىلىپ قاراسام, جىگىت ونىڭ شاشىنان تارتىپ جاتىر ەكەن. مەن نە ىستەي الۋشى ەدىم? جۇگىرىپ بارىپ: «سابىر ساقتاڭدار, بۇلارىڭ نە?» دەدىم. جىگىتتى اقىلعا شاقىرماق بولدىم», — دەدى ول.

الايدا سپورتشى بەيتانىس جىگىتتى تىنىشتاندىرا الماعان. داۋدىڭ ارتى اشۋ-ىزاعا ۇلاسىپ, ول قازاقستاندىق سپورتشىعا اگرەسسيا كورسەتىپ, ادەپسىز سوزدەر ايتا باستاعان.

ەكەۋارا جانجال ءبىر كەزدە توبەلەسكە ۇلاسىپ, وتاندىق سپورتشىنىڭ كوزىنە جۇدىرىق تيەدى.

ء«بىز الىسا باستادىق, سوندا قىزدىڭ ايعايىن ەستىدىم. شاماسى, وسى ايعايدان سوڭ تاعى دا جىگىتتەر جۇگىرىپ كەلىپ, ءبىزدى اجىراتا باستادى. ءبارى تىنىشتالعانداي بولدى: ءبارى تىنىشتالدى, ءبىزدى اجىراتىپ الدى. قىز ماعان قاراپ بىلاي دەدى: «نەگە بىرەۋدىڭ ىسىنە ارالاساسىڭ, ءوزىمىز شەشىپ الار ەدىك قوي», — دەدى ەرلىك سەرتاي.