Parıj Olımpıadasyna qatysqan semserlesýshi jigitti soqqyǵa jyǵyp ketti

Parıjde ótken Olımpıada oıyndaryna semserlesýden qatysqan Qazaqstan quramasynyń múshesi Erlik Sertaıdy soqqyǵa jyǵyp ketti. Bul týraly sportshynyń ózi Instagram-daǵy paraqshasynda oqyrmandaryna aıtyp berdi, dep habarlaıdy qandastar.kz

Erlik Sertaı basynan ótken jaǵdaıdy oqyrman qaýymǵa baıyndap, kópshiliktiń pikirin bilmek boldy.

Massaget.kz portalynyń jazýynsha, Ol úıine qaıtyp bara jatqan kezde tosyn jaıtqa tap bolǵan. Eki ortada qyz ben jigittiń qatty janjaldasyp jatqanyn estigen. Keıin jigittiń qyzdy shashynan súırep bara jatqanyn kórip, qyzǵa arasha túspek bolǵan.

«О́tkende dostarymnyń úıinen shyqtym. О́z úıime qaıtyp bara jatqanmyn.  Jigit pen qyzdyń urysyp jatqanyn kórdim. Iá, sóz talastyryp jatyr eken. Kim uryspaıdy? О́z jolymmen júre berdim, bir kezde aıǵaıdy estidim. Burylyp qarasam, jigit onyń shashynan tartyp jatyr eken. Men ne isteı alýshy edim? Júgirip baryp: «Sabyr saqtańdar, bularyń ne?» dedim. Jigitti aqylǵa shaqyrmaq boldym», — dedi ol.

Alaıda sportshy beıtanys jigitti tynyshtandyra almaǵan. Daýdyń arty ashý-yzaǵa ulasyp, ol qazaqstandyq sportshyǵa agressııa kórsetip, ádepsiz sózder aıta bastaǵan.

Ekeýara janjal bir kezde tóbeleske ulasyp, otandyq sportshynyń kózine judyryq tıedi.

«Biz alysa bastadyq, sonda qyzdyń aıǵaıyn estidim. Shamasy, osy aıǵaıdan soń taǵy da jigitter júgirip kelip, bizdi ajyrata bastady. Bári tynyshtalǵandaı boldy: bári tynyshtaldy, bizdi ajyratyp aldy. Qyz maǵan qarap bylaı dedi: «Nege bireýdiń isine aralasasyń, ózimiz sheship alar edik qoı», — dedi Erlik Sertaı.