پاريجدە كۇمىس العان قىتاي سپورتشىسى داياشىلىق قىزمەتىنە ورالعان

فوتو: اشىق دەرەككوز

يتاليالىق سپورتشىلارعا ەلىكتەپ, مەدالىن تىستەپ كورگەن قىتايلىق قىز الەم نازارىنا ىلىككەن, – دەپ حابارلايدى  qandastar.kz 1bol.kz-كە سىلتەمە جاساپ.

پاريج وليمپياداسىندا كۇمىس جۇلدەگەر اتانعان قىتايلىق گيمناست ەلىنە ورالعان سوڭ بىردەن ءوزىنىڭ بۇرىنعى جۇمىسىنا كىرىستى. ول اتا-اناسىنا تيەسىلى شاعىن تاماقتانۋ ورنىندا داياشى بولىپ قىزمەت اتقارىپ ءجۇر.

ياتسين چجوۋ پاريجدە وتكەن ويىنداردا يتاليا سپورتشىسىنان كەيىنگى ساتىعا جايعاسىپ, ەكىنشى ورىنعا يە بولعان ەدى. ونىڭ تۇعىردا تۇرعان ءساتى كوپشىلىك نازارىنا ءىلىنىپ, الەم بويىنشا تالقىعا تۇسكەن.

سپورتشى وليمپيادادان كەيىن بىردەن ءوز جۇمىسىنا كىرىسكەنىن تاماقتانۋ ورنىنا كەلگەن قوناقتاردىڭ ءبىرى بايقاعان. ول سپورتتا جوعارى جەتىستىككە جەتكەنىنە قاراماستان, اتا-اناسىنا كومەكتەسۋدى ۇمىتپاعانىن الەمدىك باق جاپپاي جازىپ جاتىر.

ياتسين چجوۋ وليمپيادادا ماراپاتتاۋ راسىمىندە يتاليا سپورتشىلارىنا تاڭدانا قاراۋىمەن ەرەكشە نازارعا ءىلىندى. جۇلدە العان سپورتشىلاردىڭ مەدالدى تىستەپ كورگەنىنە تاڭدانىپ, ءوزى دە جۇلدەسىن تىستەپ كورگەن ەدى.

سپورتشى سپورتتىق گيمناستيكا بويىنشا بورەنەدەگى جاتتىعۋدى كورسەتىپ, كوپتەگەن سپورتشىلاردى قاپى قالدىردى. ونىڭ ىشىندە 7 دۇركىن وليمپيادا چەمپيونى, امەريكالىق سيمونا بايلز دا بار.