Parıjde kúmis alǵan Qytaı sportshysy daıashylyq qyzmetine oralǵan

Foto: ashyq derekkóz

Italııalyq sportshylarǵa eliktep, medalin tistep kórgen qytaılyq qyz álem nazaryna ilikken, – dep habarlaıdy  qandastar.kz 1bol.kz-ke silteme jasap.

Parıj Olımpıadasynda kúmis júldeger atanǵan qytaılyq gımnast eline oralǵan soń birden óziniń burynǵy jumysyna kiristi. Ol ata-anasyna tıesili shaǵyn tamaqtaný ornynda daıashy bolyp qyzmet atqaryp júr.

Iaın Chjoý Parıjde ótken oıyndarda Italııa sportshysynan keıingi satyǵa jaıǵasyp, ekinshi orynǵa ıe bolǵan edi. Onyń tuǵyrda turǵan sáti kópshilik nazaryna ilinip, álem boıynsha talqyǵa túsken.

Sportshy Olımpıadadan keıin birden óz jumysyna kiriskenin tamaqtaný ornyna kelgen qonaqtardyń biri baıqaǵan. Ol sportta joǵary jetistikke jetkenine qaramastan, ata-anasyna kómektesýdi umytpaǵanyn álemdik BAQ jappaı jazyp jatyr.

Iaın Chjoý Olımpıadada marapattaý rásiminde Italııa sportshylaryna tańdana qaraýymen erekshe nazarǵa ilindi. Júlde alǵan sportshylardyń medaldy tistep kórgenine tańdanyp, ózi de júldesin tistep kórgen edi.

Sportshy sporttyq gımnastıka boıynsha bórenedegi jattyǵýdy kórsetip, kóptegen sportshylardy qapy qaldyrdy. Onyń ishinde 7 dúrkin Olımpıada chempıony, amerıkalyq Sımona Baılz da bar.