Parıjde Paralımpıada oıyndarynyń ashylý saltanaty ótti

Foto: Sport jáne dene shynyqtyrý isteri komıteti

Saltanatty is-shara Franııanyń Kelisim alańynda ótti, dep jazady qandastar.kz  aqparat portaly.

Ashylý saltanatynda Qazaqstan týyn voleıboldy otyryp oınaýdan ulttyq qurama múshesi Berik Izmaǵanbetov pen para nysana kózdeýden Sevda Álıeva ustap shyqty.

Jazǵy Paralımpıada básekesi Franııa astanasynda alǵash ret ótkizilip otyr. Jarysqa 4400-den astam sportshy qatysady. Olarǵa 2500 adam kómektesedi. Saıys baǵdarlamasyna 22 sport túri men 549 dısıplına engen. Al oıyndar 11 kúnge jalǵasady. Bıylǵy baǵdarlamaǵa jańa sport túrleri qosylmaǵan. Alaıda Tokıo-2020 oıyndarynyń baǵdarlamasyna engen para badmınton qaıta usynylyp otyr.

Parıjdegi Paralımpıadaǵa Qazaqstan quramasynan 44 sportshy synǵa túsedi. Bul – el tarıhyndaǵy rekordty kórsetkish. Tokıo-2020 oıyndarynda el namysyn 26 sportshy qorǵaǵan bolatyn. El sportshylary oıyndarǵa 1996 jyldan beri turaqty túrde qatysyp keledi.

Bıylǵy Paralımpıadada Qazaqstan ulttyq quramasynyń sportshylary 9 sport túrinen (para dzıýdo, para paýerlıftıng, para taekvondo, para jeńil atletıka, para nysana kózdeý, para ústel tennısi, para júzý, para kanoe jáne voleıboldy otyryp oınaý) synǵa túsedi. Osy jyly qazaqstandyq sportshylar para ústel tennısinen jáne áıelder arasynda para kanoeden alǵash ret Paralımpıada lıenzııasyn jeńip aldy.

El sportshylary erteńnen bastap jarys jolyna shyǵady. 29 tamyzda Mılana Krasaveva para taekvondodan óner kórsetedi, al keshke voleıboldy otyryp oınaýdan Qazaqstan quramasy Franııamen sheberlik baıqasady.