جاڭالىقتار
پارلامەنت كۋلۋارىندا دۋروۆ استاناعا نە ءۇشىن كەلگەنىن ايتتى
فوتو: anhor.uz
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ۆكونتاكتە جانە Telegram الەۋمەتتىك جەلىسىن قۇرۋشى پاۆەل دۋروۆتىڭ قازاقستانعا كەلۋىنە قاتىستى پىكىر ءبىلدىردى, — دەپ حابارلايدى Tengrinews.kz تىلشىسى.
پارلامەنت كۋلۋارىندا ماديەۆ دۋروۆ استاناعا نە ءۇشىن كەلگەنىن ءتۇسىندىردى.
ء«بىز شاقىردىق, ول كەلدى. مەنىڭ ويىمشا, ول مۇندا ءۇش كۇن بولادى. پاۆەل دۋروۆ Astana Hub-تى كوردى, وعان تسيفرلاندىرۋ مينيسترلىگىن, استانا حالىقارالىق قارجى ورتالىعىن جانە باسقا دا ۇيىمداردى كورسەتۋدى جوسپارلاپ وتىرمىز. ءبىز قوناققا تەحنولوگيانى جاقسى قولداناتىنىمىزدى كورسەتكىمىز كەلەدى عوي, بۇل تۇرعىدا جاقسى ىلگەرىلەگەنىمىزدى تۇسىنسە دەيمىز», — دەدى جاسلان ماديەۆ.
ءمينيستردىڭ ايتۋىنشا, قازاقستاندا ەكسپورتقا شىعارۋعا بولاتىن ونىمدەر بار. بۇل سۇراق تا تانىمال كاسىپكەرمەن تالقىلاناتىن تاقىرىپتاردىڭ بىرىنە اينالعان.
ء«بىز ادامي كاپيتالعا, بىلىمگە كوپ كوڭىل بولەمىز. مەنىڭ ويىمشا, بىزدە كورسەتەتىن دۇنيە كوپ. قازىر ءبىز پىكىر الماسىپ جاتىرمىز. مەنىڭ ويىمشا, ول دا (دۋروۆ — ەسك.) بىزدەن ءبىر نارسە الىپ, ترەندتەردى زەرتتەي الادى», — دەدى مينيستر.
