Jańalyqtar
Parlament kýlýarynda Dýrov Astanaǵa ne úshin kelgenin aıtty
Foto: anhor.uz
ıfrlyq damý, ınnovaııalar jáne aeroǵarysh ónerkásibi mınıstri Jaslan Mádıev VKontakte jáne Telegram áleýmettik jelisin qurýshy Pavel Dýrovtyń Qazaqstanǵa kelýine qatysty pikir bildirdi, — dep habarlaıdy Tengrinews.kz tilshisi.
Parlament kýlýarynda Mádıev Dýrov Astanaǵa ne úshin kelgenin túsindirdi.
«Biz shaqyrdyq, ol keldi. Meniń oıymsha, ol munda úsh kún bolady. Pavel Dýrov Astana Hub-ty kórdi, oǵan ıfrlandyrý mınıstrligin, Astana halyqaralyq qarjy ortalyǵyn jáne basqa da uıymdardy kórsetýdi josparlap otyrmyz. Biz qonaqqa tehnologııany jaqsy qoldanatynymyzdy kórsetkimiz keledi ǵoı, bul turǵyda jaqsy ilgerilegenimizdi túsinse deımiz», — dedi Jaslan Mádıev.
Mınıstrdiń aıtýynsha, Qazaqstanda eksportqa shyǵarýǵa bolatyn ónimder bar. Bul suraq ta tanymal kásipkermen talqylanatyn taqyryptardyń birine aınalǵan.
«Biz adamı kapıtalǵa, bilimge kóp kóńil bólemiz. Meniń oıymsha, bizde kórsetetin dúnıe kóp. Qazir biz pikir almasyp jatyrmyz. Meniń oıymsha, ol da (Dýrov — esk.) bizden bir nárse alyp, trendterdi zertteı alady», — dedi mınıstr.
