جاڭالىقتار
پارلامەنتاريزم ينستيتۋتىنىڭ دامۋى
بيلىكتىڭ زاڭ شىعارۋشى تارماعى: ترانسفورماتسيا جانە جاڭا باعدار. بۇگىن قازاقستان رەسپۋبليكاسىنىڭ پرەزيدەنتتىك ورتالىعىندا قوعامدىق-ساياسي جۇيەنى جاڭعىرتۋداعى ەلدەگى پارلامەنتاريزمنىڭ بولاشاعى مەن دامۋ باعدارى تالقىلاندى.
سونداي-اق «زاڭ جانە ءتارتىپ» قاعيداتىن ساقتاۋدى قۇقىقتىق قامتاماسىز ەتۋدەگى وكىلەتتى ورگانداردىڭ ءرولى قاۋزالدى. جالپى, 2022 جىلعى كونستيتۋتسيالىق رەفورما پارلامەنتپەن بىرگە ەلدەگى ازاماتتىق قوعام ينستيتۋتتاردىڭ ىقپالىن كۇشەيتۋگە, جاڭا دەموكراتيالىق ستاندارتتاردى قالىپتاستىرۋعا باعىتتالدى. دوڭگەلەك ۇستەلگە قاتىسۋشىلارلىڭ ويى وسىعان سايادى. ءىس-شاراعا پارلامەنت دەپۋتاتتارى, قازاقستاندىق جانە شەتەلدىك ساراپشىلار, عىلىمي قاۋىمداستىق, دامۋ ينستيتۋتتارى مەن ازاماتتىق قوعام وكىلدەرى قاتىستى.
نۇربەك پۇسىرمانوۆ, مەملەكەت تاريحى ينستيتۋتىنىڭ ديرەكتورى: — جاقىندا وتكەن ءۇشىنشى قۇرىلتايدا زاڭ مەن ءتارتىپ قۇندىلىعى كوتەرىلدى. وسىنىڭ اياسىندا بۇگىنگى جيىن ماڭىزدى. ويتكەنى سوڭعى كونستيتۋتسيالىق وزگەرىستەرگە سايكەس ەلىمىزدە پارلامەنت جانە ءماجىلىس سايلاۋى وتكەن بولاتىن. سوندىقتان وسى كۇن پارلامەنت ينستيتۋتىنىڭ قايتا ءبىر وتكەنىنە قاراپ, سايلاۋ جۇيەسىن زششاڭ شىعارۋشى ورگاننىڭ دامۋىنداعى ماسەلەلەردى ورتاعا سالىپ تالقىلاپ جاتىرمىز.
