«Páterinde jalańash oıandym»: Mekteptiń eks-qyzmetkeri burynǵy dırektor orynbasaryn ózine tıisti dep aıyptady

Atyraýda №30 mekteptiń burynǵy qyzmetkeri bilim ordasynyń burynǵy dırektordyń oqý isi jónindegi orynbasaryn ózine tıisti dep aıyptady, dep habarlaıdy Qandastar.kz Stan.kz-ke silteme jasap.

Onyń aıtýynsha, 2013 jyly ol mektepke jumysqa ornalasqan. Sol kezde dırektor orynbasary bolǵan er adam óziniń kategorııa alýyn jáne jigittiń alǵashqy jalaqy alýyn atap ótýdi usynǵan.

Bul oqıǵa dırektor orynbasarynyń páterinde bolǵan. Jas maman er adamnyń úıinde tańerteń jalańash oıanǵan.

«Páterde taǵy eki er adam boldy. Sol kezde ol maǵan: «Bizdiń álemge qosh keldiń. Endi sen bizdensiń» dedi. Eger bireýge men týraly aıtatyn bolsań, seni de aıtamyn dep qorqytty», – deıdi eks-qyzmetker.

Arada 13 jyl ótken soń er adam bul jaǵdaıdy ashyq aıtýǵa sheshim qabyldaǵan. О́ıtkeni sol kezdegi dırektordyń orynbasary qazir qaladaǵy mektepterdiń birinde dırektor bolyp otyr eken.

«Ol qazir 100 000 oqýshy bar bilim ordasynyń dırektory bolyp otyr. Bul óte jıirkenishti. Ol sol áreketin áli de jalǵastyryp júr dep oılaımyn. О́ıtkeni bir tanysymnan onyń jas jigitterdi taýyp berýin ótingenin estidim”, — deıdi.

Bul jaǵdaıǵa qatysty mektep dırektory ózi pikir bildirdi. Sózinshe IT mamany jalǵan aqparat berip otyr.

“Men Dalıev Dýlat Elemesuly 1999 jyldan beri túrli bilim ordalarynda pedagog retinde jumys istep kelemin. Osy ýaqytqa deıin ata-analar jáne pedagogter tarapynan áreketime qatysty shaǵymdar bolǵan emes. Al áleýmettik jelide taraǵan vıdeoǵa qatysty aıtarym bolsa, eshqandaı aqparat rastalmaı turyp, bir-birlerińizge taratpaýlaryńyzdy usynamyn. О́ıtkeni pen pedagog ǵana emes bir ul men qyzdyń ákesi bolamyn”, — deıdi mektep dırektory.

Al oblystyq bilim basqarmasyndaǵylar kóterilgen máseleden keıin eki ustazdyń jeke basy tekseriletinin aıtty.

«Bilim basqarmasy áleýmettik jelilerde orta mekteptiń muǵalimine qatysty túsken ótinish boıynsha tekserý júrgizedi. Sonymen qatar, atalǵan ótinishti jarııalaǵan azamatqa quqyq qorǵaý organdaryna habarlasýdy usynamyz, bul jaǵdaıdy quqyqtyq alańda jan-jaqty jáne obektıvti zertteý úshin», — dedi bilim basqarmasynyń resmı habarlamasynda.