Pavel Dýrov 100-den astam otbasyǵa balaly bolýǵa kómektesken

Foto: ashyq derekkóz

Telegram jelisiniń negizin qalaýshy Pavel Dýrov 100-den astam otbasyǵa bıologııalyq áke bolýǵa kelisken, – dep habarlaıdy qandastar.kz.

Dýrov paraqshasynda bul qadamǵa qalaı barǵanyn túsindirgen. Aıtýynsha, 15 jyl buryn oǵan dosy donor bolýǵa qolqa salǵan kórinedi.

«Otbasylyq máselege baılanysty olardyń balalary bolmady. Osylaısha dosym klınıkaǵa baryp, kómektesýimdi ótindi», — dep jazdy Dýrov.

Al EKO klınıkada Dýrovtyń «joǵary sapaly donorlyq materıaly» bar ekeni anyqtalǵan. Osylaısha, mamandar da Dýrovqa úmitin úkilep júrgen otbasylarǵa qoldaý tanyta alatynyn jetkizip, “qurmetti donor” bolýǵa usynys tastapty. Nátıje kelisimmen aıaqtalǵan.

Dýrov bıyl donorlyq belsendiliginiń arqasynda 12 eldegi júzden astam jupqa kómektesken desedi. Endi mıllıarder bıologııalyq balalar bolashaqta bir-birin izdep tabýys dep sanaıdy.

Buǵan deıin ınstagram jelisiniń qoldanýshysy Irına Bolgar
Dýrovtyń balalarynyń anasy ekenin aıtqan bolatyn. Alaıda kásipker muny rastamady.