Pavlodar oblysynda 12 jastaǵy qyz bosandy

Foto: pixabay.com

Pavlodar oblysy Sharbaqty aýdanynda 19 shildede 12 jastaǵy qyz bosandy. Aqparatty Massaget.kz tilshisine Pavlodar oblysynyń Bilim berý basqarmasy rastady.

Vedomstvo málimetinshe, oqýshy tamyzda 13 jasqa tolady.

«Mektep dırektory jumystan ketý týraly aryz jazýyna baılanysty qyzmetinen bosatyldy. Bilim bóliminiń basshysyna qatań sógis berildi», – dep jazylǵan Pavlodar oblysy Bilim berý basqarmasynyń jaýabynda.

Oqýshy Pavlodar oblystyq perınataldyq ortalyǵynda bosanǵan. О́mirge qyz bala ákelgen. Al oqýshynyń júktiligin birinshi muǵalimder baıqaǵan.

Oqýshy zorlanǵannan keıin júkti bolǵan. Balalar ombýdsmeni Dınara Zakıevanyń aıtýynsha, qazir tergeý júrgizilip jatyr.

«Qylmystyq is tergelip, sot-psıhıatrııalyq saraptama júrgizilip jatyr», – dedi Zakıeva.

Qazir sábı anasymen birge.

Massaget.kz óńirdiń Polıııa departamentine resmı saýal joldady.

Aıta keteıik, óńirlerde mundaı oqıǵalar tyıylmaı tur. Redakııa osy jáne ózge de osyǵan uqsas jaǵdaılardy anyqtaý maqsatynda Oqý-aǵartý mınıstrligine júgindi. Mınıstrliktiń resmı jaýaby aldaǵy ýaqytta jarııalanady.

Eske salaıyq, buǵan deıin Shymkentte de kámeletke tolmaǵan 73 qyz júkti bolyp qalǵany habarlandy.