جاڭالىقتار
پاۆلودار وبلىسىندا داۋىلدان ءبىر ادام قازا تاۋىپ, 16 ادام زارداپ شەكتى
كەشە پاۆلودار وبلىسىندا جىلدامدىعى سەكۋندىنا 43 مەترگە دەيىن جەتكەن داۋىل سوعىپ, ايتارلىقتاي قيراتۋلارعا, ەلەكتر ەنەرگياسىنىڭ وشۋىنە جانە حالىق اراسىندا جاراقات الۋ جاعدايلارىنا سەبەپ بولدى, دەپ حابارلايدى Qandastar.kz اقپارات پورتالى.
1968 جىلى تۋعان ايەل اقسۋ قالاسىندا قازا تاپتى
«توتەنشە قىزمەتتەردىڭ مالىمەتىنشە, 16 ادام زارداپ شەكتى, ونىڭ ىشىندە ۇشەۋى – بالا. ءبىر ادام كوز جۇمدى – اقسۋ قالاسىندا 1968 جىلى تۋعان تۇرعىن قازا بولدى», – دەپ حابارلادى پاۆلودار وبلىسى اكىمىنىڭ ءباسپاسوز قىزمەتى.
تابيعات اپاتىنىڭ نەگىزگى سالدارى
پاۆلودار قالاسىندا 47 نىساننىڭ, ونىڭ ىشىندە 6 الەۋمەتتىك مەكەمەنىڭ شاتىرى ءب ۇلىندى. اقسۋ جانە ەكىباستۇز قالالارىندا 23 نىسان, باياناۋىل اۋدانىندا 7 نىسان, سونداي-اق ماي جانە پاۆلودار اۋداندارىندا دا عيماراتتاردىڭ ءب ۇلىنۋى تىركەلدى.
ەلەكتر ەنەرگياسىنىڭ ءۇزىلۋى
وبلىس قالالارى مەن اۋداندارىندا ەلەكتر قۋاتىنىڭ ءۇزىلۋى بايقالدى. قازىرگى ۋاقىتتا اقسۋ قالاسى مەن باياناۋىل اۋدانىندا ەلەكتر جارىعى وشكەن.
توتەنشە قىزمەتتەر كۇشەيتىلگەن رەجيمدە جۇمىس ىستەۋدە
قازىر تابيعات اپاتىنىڭ سالدارىن جويۋ جۇمىستارى جۇرگىزىلۋدە. بايلانىس جانە ەلەكتر بەرۋ جەلىلەرىنىڭ 16 تىرەۋىشىن قالپىنا كەلتىرۋ جۇمىستارى جۇرگىزىلۋدە. 300-دەن استام ادام مەن 103 ارنايى تەحنيكا جۇمىلدىرىلدى.
ەستەرىڭىزگە سالا كەتەيىك, بۇعان دەيىن اقسۋ قالاسىندا تاكسيدە كەتىپ بارا جاتقان ايەلدى داۋىل كەزىندە قۇلاعان اعاش شانشىپ ولىمىنە اكەلگەن بولاتىن. دۇلەي جەل ايماقتا مىڭداعان ءۇيدى جارىقسىز قالدىردى.
