پاۆلودار وبلىسىندا مۇعالىم جەتىم بالاعا ارنالعان پاتەردە تۇرىپ كەلگەن

فوتو: pixabay

پاۆلودار وبلىسى پروكۋراتۋراسى مەملەكەتتىك تۇرعىن ءۇيدى بولۋدە بىرقاتار زاڭبۇزۋشىلىقتاردى انىقتادى, دەپ حابارلايدى  qandastar.kz اقپارات پورتالى Azattyq Rýhy-نا سىلتەمە جاساپ.

اتاپ ايتقاندا, جەلەزين اۋدانىندا پاتەرلەر تۇرعىن ءۇي كوميسسياسىنىڭ شەشىمىنسىز جانە جالداۋ شارتتارىنسىز لاۋازىمدى تۇلعالارعا بەرىلگەن. بۇل جەردە «كەل دە تۇرا بەر» دەگەن بەيرەسمي تاجىريبە قالىپتاسقان.

«مىسالى, باشماچين مەكتەبىنىڭ مۇعالىمى 2022 جىلدان بەرى جەتىم بالاعا ارنالعان پاتەردە تۇرعان. سونىمەن قاتار 70 جالعا الۋشى جالداۋ اقىسىن تولەمەگەن, جالپى قارىز 6,5 ميلليون تەڭگەگە جەتكەن. الايدا جەرگىلىكتى اتقارۋشى ورگاندار بۇل قارىزدى ءوندىرىپ الۋ شارالارىن قابىلداماعان», – دەپ مالىمدەدى پروكۋراتۋرا.

بۇدان بولەك, مەملەكەتتىك تۇرعىن ءۇي ءۇشىنشى تۇلعالارعا بەرىلگەن جاعدايلار دا تىركەلگەن. كەزەك تىزىمىندە مارقۇم بولعان ازاماتتار بولعان. ال شىن مۇقتاج جاندارعا بوس پاتەرلەر بولىنبەگەن – اكىمدىك بالانسىندا 65 بوس پاتەر بولسا, كەزەكتە 209 ادام تۇرعان.

«مىڭكول اۋىلىندا ءتورت پاتەر بوس تۇر. ال تۇرعىن ءۇي كەزەگىندە كوپبالالى وتباسى, جەتىم بالالار جانە الەۋمەتتىك وسال توپ وكىلدەرى بار بەس ادام كەزەكتە تۇر», – دەپ قوستى پروكۋراتۋرا.

تەكسەرۋ قورىتىندىسى مەملەكەتتىك قىزمەت ىستەرى دەپارتامەنتىنىڭ ادەپ كەڭەسىندە قارالىپ, جەلەزين اۋدانىنىڭ ناقتى سەكتور ەكونوميكاسى ءبولىمىنىڭ باسشىسىنا تارتىپتىك جازا رەتىندە قىزمەتىنە تولىق سايكەس ەمەستىگى تۋرالى ەسكەرتۋ بەرىلدى.