پاۆلودار وبلىسىندا سۋ باسۋ قاۋپى ءوتتى

پاۆلودار وبلىسىندا قازىرگى كەزدە تۇرعىن ۇيلەردى سۋ باسۋ جانە جولداردى شايىپ كەتۋ قاۋپى تولىعىمەن جويىلدى. ارنايى قۇرىلعان وبلىستىق شتاب تاۋلىك بويى جۇمىس ىستەۋدە.

بۇگىنگى تاڭدا سۋ تاسقىنىنان زارداپ شەككەن تۇرعىنداردىڭ بارلىق وتىنىمدەرى تولىق كولەمدە وتەلدى.
قر پرەزيدەنتى تاپسىرماسى بويىنشا زارداپ شەككەندەرگە كومەك كورسەتىلىپ جاتىر. ايماق بويىنشا دەمەۋشىلىك قاراجات ەسەبىنەن 98 ملن. تەڭگەگە 120 وتباسى وتەماقى الدى.  وڭىردە قالپىنا كەلتىرۋگە كەلمەيتىن 7 ءۇي تىركەلدى, ونىڭ ىشىندە ەكى وتباسىعا سول ەلدى مەكەندە باسقا تۇرعىن ءۇي ساتىپ الىندى. ال قالعان 5 وتباسى ءۇشىن جاڭا ۇيلەردىڭ قۇرىلىسى باستالدى.

قاجەتتى قۇرىلىس ماتەريالدارى جەتكىزىلۋدە. جۇمىستاردى 3 ايدا اياقتاۋ جوسپارلانعان. سۋ تاسقىنىنان زارداپ شەككەن بارلىق ەلدى-مەكەندەردى انىقتاۋ جۇمىستارى جالعاسۋدا.

جاڭادان زارداپ شەككەن وتباسىلار انىقتالعان جوق.
سۋ تاسقىنىنا قارسى كۇرەس جۇمىستارى ءوڭىر باسشىسىنىڭ تىكەلەي باقىلاۋىندا.