جاڭالىقتار
پاۆلوداردا اعايىندىلار ەر ازاماتتىڭ موينىنا گير تاسىن بايلاپ, وزەنگە باتىرىپ جىبەرگەن
فوتو: تجم
اعايىندى ازاماتتار الدىن الا ءسوز بايلاسىپ, ادام ولتىرگەن جانە ۇيىندە زاڭسىز وق-دارىلەردى ساقتاپ كەلگەن. سوت ولارعا 15 جانە 16 جىلعا باس بوستاندىعىنان ايىرۋ جازالارىن تاعايىندادى, دەپ حابارلايدى Paryz.kz.
اعايىندى ازاماتتار الدىن الا ءسوز بايلاسىپ, ادام ولتىرگەن جانە ۇيىندە زاڭسىز وق-دارىلەردى ساقتاپ كەلگەن. سوت ولارعا 15 جانە 16 جىلعا باس بوستاندىعىنان ايىرۋ جازالارىن تاعايىندادى.
پاۆلودار وبلىسى قىلمىستىق ىستەر جونىندەگى مامانداندىرىلعان اۋدانارالىق سوتى اعايىندى ك.ا. مەن ك.د-عا قاتىستى الدىن الا ءسوز بايلاسۋ ارقىلى پايداكۇنەمدىك نيەتپەن ادام ءولتىرۋ جانە زاڭسىز وق-دارىلەردى يەمدەنۋ جانە ساقتاۋ بويىنشا قىلمىستىق ءىستى قارادى.
«اعايىندى ك., جابىرلەنۋشى ج.-دان ساتىپ الىنعان ءۇيدىڭ قۇنىن تولەمەۋدى ۇيعارعان. ءسويتىپ الدىن الا ءسوز بايلاسا وتىرىپ پايداكۇنەمدىك نيەتپەن الگى ازاماتتى ءولتىرۋدى ويلاستىرعان. ونى جەلەزين اۋدانى پياتەريجسك اۋىلىنداعى وزەن وتكەلىنە اپارىپ, قولىن بۋىپ, دەنەسىنە سالماعى 16 كيلوگرامم گير تاسىن بايلاپ, سۋعا باتىرىپ جىبەرگەن. سونىمەن قاتار ك.ا.-نىڭ ءۇيىن ءتىنتۋ كەزىندە ستارتتىق تاپانشا مەن اتىس وقتارى تابىلدى», – دەپ حابارلادى وبلىستىق سوتتىڭ ءباسپاسوز قىزمەتىنەن.
سوت ك.ا.-عا قىلمىستاردىڭ جيىنتىعى بويىنشا 16 جىل باس بوستاندىعىنان ايىرۋ تۇرىندەگى جازانى بەلگىلەسە, ال ك.د.-نى 15 جىل مەرزىمگە تەمىر توردىڭ ار جاعىنا جونەلتتى. ۇكىم زاڭدى كۇشىنە ەنگەن جوق.
