Pavlodarda áıel eki balasyn terezeden laqtyryp, artynan ózi sekirip ketti

Pavlodar oblystyq densaýlyq saqtaý basqarmasynyń málimetinshe, bul jan túrshigerlik oqıǵa týraly jedel járdemge ótip bara jatqan adam habarlaǵan, dep habarlaıdy qandastar.kz   aqparat portaly.

Birinshi kezektegi shuǵyl shaqyrtý boıynsha oqıǵa ornyna úsh jedel járdem toby jiberildi. Olar 6 mınýt ishinde jetken. Eki bala aýyr hálde oblystyq balalar aýrýhanasyna jetkizildi. Áıel de aýyr hálde Pavlodar qalalyq №1 aýrýhanasyna jetkizildi.

Skifnews.kz jazǵandaı, saǵat 02:08-de balalardyń jasy belgili boldy, olardyń biri 1,5 jasta, ekinshisi 5 jasta eken.

Pavlodar oblysynyń bala quqyqtary jónindegi ýákili Sáýle Shakenevanyń aıtýynsha, oqıǵa bolǵan sátte páterde zardap shekkenderden basqa eshkim bolmaǵan.