جاڭالىقتار
پاۆلوداردا ق. ساتباەۆتىڭ داۋىسى جازىلعان ءۇنتاسپا تابىلدى
![](https://qandastar.kz/wp-content/uploads/2024/02/IMG_3740-1-780x405.jpeg)
عالىم قازاق سسر-ءنىڭ قۇرىلعانىنا 40 جىل تولۋىنا وراي 1959 جىلى ماسكەۋدە جانە 1961 جىلى الماتىداعى جيىندا ءسوز سويلەگەن. داڭقتى تۇلعا «قازاق دالاسىندا تۇزدان باسقا قازبا بايلىق جوق» دەگەن پىكىرمەن كەلىسپەي, گەولوگتاردىڭ قازاقستاندا 200-دەن اسا كەن ورنىن تاپقانىن مالىمدەگەن. اكادەميك ەكىباستۇزدىڭ سارقىلماس كەنى الەم بويىنشا رەكوردتىق قۋاتتىلىققا يە بولاتىنىن ءبىلىپ, ءارى ەنەرگەتيكانىڭ كۇرەتامىرىنا اينالاتىنىن اتاپ وتكەن. ءۇنتاسپا قولونەرشى, مارقۇم باقىت ساعىندىقوۆتىڭ جەكە مۇراعاتىندا ساقتالعان. جاقىندا تۋىستارى شەبەردىڭ قۇندى زاتتارىن مۋزەيگە تاپسىردى. 12 ساۋىردە قازاقستان عىلىم اكادەمياسىنىڭ تۇڭعىش پرەزيدەنتى قانىش يمانتاي ۇلىنىڭ تۋعانىنا 125 جىل تولادى. ءاليا جومارتوۆا, گ. پوتانين اتىنداعى تاريحي-ولكەتانۋ مۋزەيىنىڭ باس قور ساقتاۋشىسى: – بۇل ءبىزدىڭ مۋزەيدىڭ ەكسكليۋزيۆتى جادىگەرى. قازاقستان عىلىمى ءۇشىن ولشەۋسىز ەڭبەك سىڭىرگەن اتاقتى عالىم, جەرلەسىمىزدىڭ داۋىسىن ەستۋ ءبىز ءۇشىن ماڭىزدى. سىزدەر بىلەسىزدەر پاۆلودار حالقى داڭقتى تۇلعامەن ماقتانادى. سوندىقتان بۇل وتە قۇندى جانە ەرەكشە ەكسپونات.